2.2 E Origen di Piká

1. Pa medio di ken piká a originá?
1 Juan 3:8 esun ku ta praktiká piká ta di diabel; pasobra diabel a hasi piká for di prinsipio. E Yu di Dios a paresé pa e propósito aki, pa E destrui e obranan di diabel.
Nota: Sin Beibel e origen di pika ta keda sin kontesta.

2. For di ki tempu diabel tabata un matadó?
Juan 8:44 Boso ta di boso tata e diabel, i boso kier hasi e deseonan di boso tata. E tabata un matadó for di prinsipio, i no ta para den e bèrdat, pasobra no tin bèrdat den djé. Ki ara ku e papia un mentira, e ta papia for di su mes naturalesa, pasobra e ta un gañadó i e tata di mentira.

3. Satanas a wòrdu krea pekaminoso?
Ezekiel 28:15 Bo tabata perfekto den bo kamindanan for di e dia ku bo a wòrdu kreá, te na e momento ku inhustisia a wòrdu hañá den bo.

4. Kon nos por sigui sa ku satanas tabata perfekto den su kamindanan?
2 Pedro 2:4 Pasobra si Dios no a spar angelnan ora nan a peka, ma a tira nan den fièrnu i a kondená nan na posnan di skuridat, pa wòrdu reservá pa huisio,
Judas 6 I angelnan ku no a warda nan mes posishon, ma a bandoná nan propio lugá di biba, EI a tene na kadena etèrno den skuridat pa e huisio di e gran dia.

5. Kua palabranan di Cristo ta buta e responsebilidat di piká riba satanas i su angelnan?
Mateo 25:41 "E ora ei E lo bisa tambe na esnan ku ta na Su man robes: 'Apartá boso for di Mi, boso maldishonánan, bai den e kandela etèrno ku a wòrdu prepará pa diabel i su angelnan;

6. Kiko a guia na satanas su piká, rebelion i kaida?
Ezekiel 28:17 Bo kurason a bira orguyoso pa motibu di bo bunitesa; bo a korumpí bo sabiduria pa motibu di bo splendor. Mi a bentabo abou na suela; Mi a ponebo dil anti di reinan, pa nan mirabo.
Isaias 14:13, 14
13 Ma bo a bisa den bo kurason: 'Lo mi subi na shelu; lo mi hasi mi trono mas haltu ku e streanan di Dios, i lo mi sinta riba e seru di asamblea, na e partinan mas retirá di nòrt,
14 Lo mi subi mas haltu ku e halturanan di e nubianan; lo mi hasi mi mes meskos ku e Haltísimo.

7. Ki spiritu Cristo a revela kontrario di satanas?
Filipensenan 2:6-8
6 Kende, ounke ku E tabata eksisti den e forma di Dios, no a konsiderá igualdat ku Dios algu pa tene na djé,
7 ma a bandoná Su mes gloria, tumando forma di un sirbidó, siendo trahá den e semehansa di hende.
8 I hañando Su mes den kondishon di hende, El a umiyá Su mes dor di bira obedesido te na morto, asta morto na un krus.

8 .Despues ku hende a peká, kon Dios a mustra Su amor i boluntat pa pordoná?
Juan 3:16 "Pasobra Dios a stima mundu asina tantu, ku El a duna Su Yu unigénito, pa ken ku kere den djE no bai pèrdí, ma tin bida etèrno”.