17. Salut i Temperansia
17.5 Amonestáshonnan Bibliko
1. Isaias 5:11 Ai di esnan ku ta lanta mainta tempran pa kore tras di bibida stèrki, ku ta keda lantá te anochi lat, te ora biña subi na nan kabes!
2. Isaias 5:12 Nan tin lirio, arpa, tamburein flùit i biña na nan banketenan, ma nan no ta paga atenshon na e echonan di Señor, ni nan no ta konsiderá e obra di Su mannan.
3. Levitiko 10:8, 9
8 E ora ei Señor a papia ku Aaron, bisando:
9 "No bebe bifia ni bibida stèrki, ni abo ni bo yu hombeman huntu ku bo, ora boso ta bai den e tènt di reunion, pa boso no muri ta un statuto perpetuo durante di tur boso generashonnan.
4. Isaias 24:9 Nan no ta bebe biña bou di kantamentu mas; bibida stèrki ta marga pa esnan ku ta beb'é.
5. Proverbionan 31:4 No ta pas pa reinan, O Lemuel, no ta pas pa reinan bebe biña, ni pa gobernantenan deseá bibida stèrki,
6. Isaias 28:1 Ai di e korona di orguyo, ai di e burachénan di Efrain, kende nan bunitesa glorioso ta un flor ku ta marchitá, kual ta riba kabes di e vaye férti!.
7. Proverbionan 21:17 Esun ku gusta plaser lo bira un hende pober; esun ku gusta biña i zeta lo no bira riku.
8. Proverbionan 23:21 Pasobra e buraché i e hende golos lo bira pober, i kabishamentu lo hasi un hende bisti paña kibrá.
9. Habakuk 2:15 "Ai di bo ku ta hasi bo bisifianan bebe, ku ta meskla bo veneno den djé pa hasi nan burachi, pa asina wak nan desnudes!
10. Isaias 5:22 Ai di esnan ku ta kampeon den bebementu di biña, i hombernan eksperto den mesklamentu di bibida stèrki;
11. Efesionan 5:18 I no bebe biña bira burachi, pasobra esei ta libertinahe, ma sea yená ku e Spiritu,
12. Proverbionan 20:1 Biñia ta un hasidó di bofon, bibida stèrki un borotadó; i esun ku ta bou di su influensia no ta sabí.
13. Proverbionan 23:29 Ken tin ai? Ken tin ferdrit? Ken tin pleitu? Ken tin keho? Ken tin herida sin kousa? Ken tin wowo kòrá?
14. Proverbionan 23:30 Esnan ku ta sinta oranan largu ku biña, esnan ku ta bai pa purba biña mesklá.
.
15. Proverbionan 23:31 No wak biña ora ku e ta kòrá, ora ku e ta briya den kopa, ora ku e ta baha suave asina;
16. 1 Korintionan 6:9,10
9 òf boso no sa ku e inhustunan lo no eredá e reino di Dios? No laga nan gaña boso; ni fornikadó, ni adoradó di dios falsu, ni adúltero, ni esnan a feminá, ni homoseksual,
10 ni ladron, ni esnan golos pa plaka, ni buraché, ni blasfemadó, ni estafadó ' lo no eredá e reino di Dios.
17. Huesnan 13:4 Pesei anto, tene kuidou pa bo no bebe biña ni bibida stèrki, ni kome nada impuru.
18. 1 Korintionan 6:19 òf boso no sa ku boso kurpa ta e tèmpel di Spiritu Santu, Kende ta den boso, Kende boso tin di Dios, i ku boso no ta pertenesé na boso mes?
19. 1 Korintionan 6:20 Pasobra boso a wòrdu kumprá pa un preis: pesei glorifiká Dios den boso kurpa.
20. 1 Korintionan 10:31 Asina anto, sea ku boso ta kome òf bebe òf kiko ku boso ta hasi, hasi tur pa e gloria di Dios.