9. E dia di Sabat

9.3 Motibunan pa selebrá sabat   

 

1. Kiko ta e uniko gran marka pa destingui e berdadero Dios for di tur diosnan falsu?
Jeremias 10:10-12
10 Ma Señor ta e Dios bèrdadero; E ta e Dios bibu i e Rei etèrno.
Ora ku E rabia, tera ta sakudí, i e nashonnan no por soportá Su indignashon.
11 Asina lo bo bisa nan: "E diosnan ku no a traha e shelunan i tera lo peresé for di riba tera i for di bou di e shelu¬nan."
12 Ta El a traha tera ku Su poder, El a stablesé mundu ku Su sabiduria; i ku Su konosementu El a span e shelunan.

 

2. Ora Pablo kier a predika Dios na e pueblo di Athene, kon el a deskribiE?
Echonan 17:23,24
23 Pasobra mientras ku mi taba¬ta pasa dor di boso stat i tabata opservá e ophetonan di boso adorashon, mi a haña tambe un altar ku e inskripshon aki: 'NA UN DIOS DESKONOSI.' Pesei, loke boso ta adorá den ignoransia, esei mi ta proklamá na boso.
24 E Dios ku a traha mundu i tur kos ku tin den djé, siendo Señor di shelu i di tera, no ta biba den tèmpel trahá ku man;

 

3. Kiko e apostelnan a bisa e adoradornan di diosnan falsu na Lystre?
Echonan 14:15 bisando: "Hòmbernan, pakiko boso ta hasi e kosnan aki? Nos tambe ta hende di e mesun naturalesa ku boso, i ta prediká evangelio na boso, pa boso laga e kosnan bano aki i kombèrtí na e Dios bibu, Kende a traha shelu i tera i laman, i tur loke tin den nan.
Revelashon 10:6 i a hura pa Esun ku ta biba pa semper i semper, Kende a krea shelu i e kosnan ku tin den djé, te a i e kosnan ku tin den djé, laman i e kosnan ku tin den djé, ku lo no tin tardansa mas,
Revelashon 14:6.7
6 I mi a mira un otro angel ta bula meimei di shelu, kende tabatin un evan¬gelio etèrno pa prediká na esnan ku ta biba riba tera, i na tur nashon i tribu i lenga i pueblo;
7 i el a bisa na bos haltu: "Teme Dios i dun'E gloria, pasobra e ora di Su huisio a yega; i adorá Esun ku a traha shelu i tera i laman i fuentenan di awa."

 

4. Ki motibu ta wòrdu duná den e di kuater mandamentu pa santifiká e dia di Sabat?
Eksodo 20:11 Pasobra den seis dia Señor a traha shelunan i tera, laman i tur loke tin den nan, i a sosegá riba e di shete dia; pesei Señor a bendishoná dia di Sabat i a santifik'é.
Nota: E Sabat ta gran memoria di kreashon i e poder kreativo di Dios i un rekuerdo kontinuo di e Dios verdadero. Dios Su propósito pa traha e Sabat i Su mandato pa santifiké ta pa hende nunka lubida ku E ta e Kreador di tur kos.

 

5. Kiko, segun Dios, Sabat lo ta pa esnan ku ta santifiké?
Ezekiel 20:20 Santifiká Mi Sabatnan; i nan lo ta un señal entre Ami ku boso, pa boso por sa ku Ami ta Señor boso Dios.'

 

6. Kon importante e ta pa konosé Dios?
Juan 17:3 I esaki ta bida etèrno, ku nan por konosé¬Bo, e úniko Dios bèrdadero, i Jesu-Cristo, Kende Bo amanda.

 

7.Tin peliger ku e pueblo skohí di Dios lo lubidelE?
Deuteronomio 8:11 Tene kuidou pa ba no lubidá Señor bo Dios dor di keda sin warda Su mandamentunan, Su ordenan¬sanan i Su statutonan ku mi ta ordenábo awe,

 

8. Ki otro motibu ta wòrdu duná pa wardá e Sabat?
Eksodo 31:13 Ma pa loke t'abo, papia ku e yunan di Israel, bisando: 'Siguramente boso mester warda Mi Sabatnan; pasobra esaki ta un señal entre Ami i boso duran¬te di tur boso generashonnan, pa boso sa ku Ami ta Señor, Kende ta santifiká boso.
Nota:
Santifikashon ta santifiká algu òf apartá pa un proposito santu. Santifikashon di kriaturanan pekaminoso por solamente dor di poder kreativo di Dios den Cristo pa medio di Spiritu Santu. Den 1 korintionan 1: 30 nos wòrdu bisa: Pasobra dor di djE boso ta den Cristo Jesus, Kende a bira pa nos sabiduria for di Dios i hustisia i santifikashon i redenshon. I den Efesionan 2: 10: Pasobra nos ta e obra di Su man, kreá den Cristo Jesus pa bon obranan, kualnan Dios a prepará di an¬temano, pa nos kana den nan.
E Sabat antonse ta un siñal di santifikashon I pa e motibu ei un siñal di loke Cristo ta pa e kreyente, pasombra e ta pone kòrdé e poder kreativo di Dios I Su obra di renansimentu. Pesei E ta e siñal di e poder di Dios, tantu den kreashon I den salbashon. Pa e kreyente E ta e prueba òf e siñal, ku e konose e berdadero Dios, ku a krea tur kos pa medio di Cristo i ku ta salba i perfekshoná e pekador dor di Cristo.

 

9. Kua motibu partikular e Israelitanan tabata tin pa warda e Sabat?
Deuteronomio 5:15 I kòrda ku bo tabata esklabu na tera di Egipto i ku Señor bo Dios a sakabo for di ayanan pa medio di un man poderoso i un brasa ekstendi; pesei SEÑOR bo Dios a ordenábo pa warda dia di Sabat.
Nota:
Dios a saka Israel for di Egypto i awor nan mester implementá un reformashon esta bolbe back na loke Dios tabata ke foi prinsipio, es desir wardamentu di Sabat. Dor di sklabitut nan tabata forsá pa kibra e mandamentu di Sabat. Awor nan tabata liber, nan mester a wòrdu enseña di nobo den santifikashon di Sabat. Asina nan mester a kòrda e gran obranan di Dios pa simper
Den Exodo 5: -119 nos ta lesa ku Farao tabata hasie imposibel pa e pueblo por warda e Sabat. Mester a bin un reformashon I un lucha prome kun an por a Sali for di opreshon di Egypto. Oran an esfuerso pa warda e Sabat a yega na oidi di Farao el a kuminsa akusá nan. Lesa Exodo 5: 4, 5.
4 Ma rei di Egipto a bisa nan: "Moisés i Aaron, pakiko boso ta stroba e hende¬nan di traha? Boso bai hasi boso tra¬bou!"
5 I Farao a bolbe bisa: "Mira, e hendenan di e tera ta hopi awor, i boso kier stop nan di traha! "
Salbashon for di e opreshon aki tabata bèrdat un motibu adishonal i particular pa warda e Sabat. Egypto i sklabitut na Egypto ta representá piká i sklabitut di piká.
(Lesa: Rev 11: 8; Oseas 11: 1; Mat 2: 15; Zakarisa 10: 10)
Turk u a wòrdu salbá for di pika tin e mesun motibo pa warda e Sabat manera e Israelitanan ku wòrdu salbá for di Egypto.

 

10. Kiko, segun e Salmista, tabata e motibu ku Dio a saka Su pueblo for di Egypto i hiba nan den Kanaan?
Salmonan 105:43-45
43 i El a saka Su pueblo ku goso, Su skohínan ku un gritu di alegria.
44Tambe El a duna nan e teranan di e nashonnan, pa nan kohe pa nan mes e fruta di trabou di e pueblonan,
45 asina ku nan por a warda Su statutonan i kumpli ku Su leinan.
Alabá Señor!
Nota:
Nan salbamentu for di Egypto tabata motibu pa no solamente warda e di kuater mandamentu, pero tur e preskriptonan di e lei di Dios maera wòrdu riba Seru di Sinai. Exodo 20: 2, 3
2 "Ami ta Señor bo Dios, Kende a sakabo for di tera di Egipto, for di e kas di sklabitut.
3 "Bo no mag tin otro dios Mi dilanti.
Na mes un manera tur ku a wòrdu salbá for di sklabitut di pika, ta wòrdu yamá no solamenta na obedensia pa warda e Sabat, pero na tur preskriptonan di e eli santu.
Isaias 56:2 Bendishoná ta e hende ku ta hasi esaki, i e yu di hende ku ta tene na djé, ku ta warda dia di Sabat pa e no profan'é, i ta wanta su man pa no hasi malu."

 

11. Kiko e palabra Sabat ta nifiká?
Terminá i sosegá
Nota:
E tabata plan di Dios ku hende mester a okupa nan mes ku trabao plasentero i no agotamentu. Genesis 2:15
Trabao agotá a drentá pa kousa di pika. Gen 3:17-19.
Despues di entrada di pika sosiegu a bira un nesesidat ku originalmente no tabata e kaso. E terminamentu di trabao komun I okupashonnan di siman a wòrdu instituí, no pa motibu ku e ta robes i pekaminoso, pero pa hende tin un tempu stipulá I un tempu frekuente pa meditá e Kreador in Su obranan.
Bao di e evangelio Sabat ta un siñal di sosiegu spiritual I dispensashon di piká. Hebr 4:10 Pasobra esun ku a drenta den Su sosiegu, e mes tambe a sosegá di su trabounan, manera Dios a sosegá di esnan di djE.

 

12. ken ta duna e sosiegu aki di pika?
Mateo 11:28,29
28 "Bin serka Mi tur ku ta kansá i kargá, i lo Mi dun a boso sosiegu.
29 Tuma Mi yugo riba boso, i siña di Mi, pasobra Mi ta mansu i umilde di kura¬son; i boso lo haña sosiegu pa boso alma.

 

13. Sabat tabata un dia destiná pa konvokashon?
Levitiko 23:3 Seis dia boso mag hasi trabou, ma riba e di shete dia tin un Sabat di sosiegu kompleto, un konvokashon santu. Boso no mag hasi ningun trabou; ta un Sabat na Señor den tur boso lugánan di biba.
Nota: un konvokashon ta un enkuentro di hende

14. E Testament Nobo ta siña e mesun obligashon?
Hebreonan 10:24,25
24 i laga nos konsiderá kon pa stimulá otro pa stima i hasi bon obra,
25 i no laga di asistí na nos mes reunionnan, manera ta kustumber di algun, ma enkurashá otro; i muchu mas ainda, ora boso ta mira ku e dia ta yegando serka.

 

15. Kiko Malakias ta bisa over di esnan ku ta teme Dios?
Malakias 3:16,17
16 E ora ei esnan ku a teme Señor a papia ku otro, i Señor a presta atenshon i a ten de esaki, i un buki di memoria a wòrdu skirbi Su dilanti pa esnan ku ta teme Señor i ku ta oma Su nòmber.
17 "I nan lo ta di Mi," e Señor di ehérsitonan ta bisa, "riba e dia ku Mi ta prepará Mi mes propiedat, i lo Mi spar nan manera un hòmber ta spar su mes yu hòmber ku ta sirbié."

 

16. Sabat lo wòrdu selebra komo un dia di adorashon den e tera nobo?
Isaias 66:22,23
22 Pasobra meskos ku e shelunan nobo i e tera nobo, ku lo Mi traha, lo permanesé Mi dilanti, " Señor ta deklará, "asina boso desendientenan i boso nòmber lo permanesé.
23 I lo ta di luna nobo pa luna nobo, i di Sabat pa Sabat, ku henter humanidat lo bin pa bùig Mi dilanti, " Señor ta bisa.
Nota: Bo a krea nos pa Bo mes i nos kurason ta sin sosiegu te ora nos haña sosiegu den Bo. (St Augustinus)