9. E dia di Sabat

9.12  Reformashon di Sabat 

 

1. Kua typo di servisio, segun Cristo, ta e resultado di doktrinanan basá riba preseptonan di hende?
Mateo 15:9 I ta enbano nan ta adorá Mi, siñando preseptonan di hende komo doktrina.

 

2. Kua mandamentu, Cristo a bisa, e Fariseonan a hasi inefektivo pa kousa di nan doktrina?
Mateo 15:4-6
4 Pasobra Dios a bisa: 'Onra bo tata i bo mama";" i 'Esun ku maldishoná tata Of mama, lagu'é wòrdu matä."
5 Ma boso ta bisa: 'Ken ku bisa su tata Of su mama: "Tur loke mi tin, ku mi por a yuda boso kuné, a wòrdu duná na Dios,"
6 no tin mester di onra su tata Of su mama.' I asina boso a hasi e palabra di Dios bira inefektivo pa kousa di boso tradishon.

 

3. Kiko tabata e konsekuensia di nan aktuashon?
Mateo 15:6 ' I asina boso a hasi e palabra di Dios bira inefektivo pa kousa di boso tradishon.

 

4. Pronto despues, kua pregunta e disipelnan a hasi na Cristo?
Mateo 15:12 E ora ei e disipelnan a bin i a bis'E: "Bo sa ku e fariseonan a sinti nan mes ofendî ora nan a tende e palabra aki?"

 

5. Kua kontesta e Salbador a duna?
Mateo 15:13 Ma El a kontestá i a bisa: "Tur mata ku Mi Tata selestial no a planta lo wòrdu ranká ku rais ku tur.

 

6. Ki ora i dor di ken e institushon di Sabat a wòrdu stablesé?
Eksodo 20:11 Pasobra den seis dia Señor a traha shelunan i tera, laman i tur loke tin den nan, i a sosegá riba e di shete dia; pesei Señor a bendishoná dia di Sabat i a santifik'é.

 

7. Pregunta._Ken ta pretendé di establesé e institushon di diadomingu?
Kontesta._Na luga di e di siete dia i otro dianan di fiestanan, insituí dor di e lei bieu, e Igleisa Katoliko a preskribí e diadomingu i dianan santu pa apartá nan pa servisio pa Dios, i esakinan nos ta obligá pa wardanan na luga di e Sabat bieu, segun e lei di Dios.
Catholic Christian Instructed,” door Hoogeerw. Dr Challoner, blz 211
Nos Katolikanan, tin e mesun outoridat pa santifiká e diadomingo na luga di e Sabat manera tur otro artikulonan di profeshon di nos fe; es desir outoridat di e iglesia di e Dios bibu, pilar i sosten di e berdat. (1 Timoteo 3: 15); mientras boso protestantnan en realidat no tin outoridat pa esaki, pasobra den Beibel no tin ningun outoridat pa esaki i boso no ke atmití ku por tin otro outoridat un otro manera. Pero nos ta sigui esaki, keriendo ku e ta un parti di e Palabra di Dios i ku e iglesia, ta e vigilanti dibino i intérpretador apuntá pa Dios. I boso protestantnan ta sigui esaki I al mismo tiempu ta yamele un guia engañoso I fayabel, hasiendo e Palabra di Dios sin balor. Clifton Tracts,” deel IV, article “A question for all Bible Christians,” blz 15.

 

8. Kiko ta e salbashon final ku por fin lo wòrdu duná na e pueblo di Dios?
1 Pedro 1:3- 5
3 Bendishoná sea e Dios i Tata di nos Señor Jesu-Cristo, Kende, segun Su gran miserikòrdia, a hasi nos nase di nobo den un speransa bibu pa medio di e resurek-shon di Jesu Cristo for di e mortonan,
4 pa optené un erensia ku ta inkoruptibel i sin mancha i ku lo no marchitá, ku ta reservá den shelu pa boso,
5 kendenan ta protehá dor di e poder di Dios pa medio di fe, pa un salbashon ku ta kla pa wòrdu revelá den e ultimo tempu.

 

9. Ken Dios ta bendishoná, ora Su salbashon a yega serka?
Isaias 56:1, 2
1 Asina Señor ta bisa: "Mantené huisio i hasi hustisia, pasobra Mi salbashon ta serka di bin, i Mi hustisia ta serka di wòrdu revelá.
2 Bendishoná ta e hende ku ta hasi esaki, i e yu di hende ku ta tene na djé, ku ta warda dia di Sabat pa e no profan'é, i ta wanta su man pa no hasi malu."

 

10.E bendishon primintí aki, e ta limitá na sierto klase di hende?
Isaias 56:6,7
6 Tambe e stranheronan ku uni nan mes ku Señor, pa sirbiE, i pa stima e nòmber di Señor, pa ta Su sirbidónan, kada un ku no ta profaná dia di Sabat, i ta tene firme na Mi aliansa,
7 eseinan lo Mi hiba na Mi seru santu, i lo Mi hasi nan kontentu den Mi kas di orashon. Nan ofrendanan kimá i nan sakrifisionan lo ta aseptabel riba Mi altar, pasobra Mi kas lo wòrdu yamá kas di orashon pa tur e pueblonan. "

 

11. Kiko Dios a bisa Su sirbidornan, ku nan mester a hasi e tempu ei?
Isaias 58:1 Grita duru, no tene aden; halsa bo bos manera tròmpèt, i mustra Mi pueblo nan transgreshon, i e kas di Jakob nan pikánan.

 

12. Kua mensahe di reformashon di Sabat El ta manda?
Isaias 58:13,14
13 Si riba dia di Sabat bo warda bo pia di hasi bo mes gana riba Mi dia santu, i si bo yama dia di Sabat un delisia, e dia santu di Señor onorabel, i si bo onra esaki dor di bandoná bo mes kamindanan, dor di no buska bo mes plaser, i di no papia bo mes palabra,
14 e ora ei lo bo tin delisia den Señor, i lo Mi hasibo kore riba e halturanan di tera; lo Mi alimentábo ku e erensia di bo tata Jakob, pasobra e boka di Señor a papia.

 

13. Kon esnan ku ku ta okupá nan mes ku e reformashon aki, lo wòrdu yamá?
Isaias 58:12 I bo mes hendenan la traha e ruinanan antigua di nobo; lo bo lanta e fundeshinan antiguo, i lo bo wòrdu yamá Esun ku ta Drecha e Kibrá den Muraya, Esun ku ta Drecha e Kayanan unda Hende por Biba.

 

14. Kiko un otro profeta ta bisa tokante loke, siñadornan konosí meimei di e pueblo di Dios a hasi?
Ezekiel 22:26 Su saserdotenan a violá Mi lei i a profaná Mi kosnan santu; nan no a hasi distinshon entre kosnan santu i kosnan profano, i nan no a siña e diferensia entre loke ta impuru i loke ta puru. I nan a sera nan wowo pa Mi Sabatnan, asina ku Mi ta wòrdu profaná meimei di nan.

 

15. Kiko nan a hasi pa stablesé nan teorianan?
Ezekiel 22:28 I su profetanan ta pleister nan ku kalki, mirando vishon bano i adivinashon mentiroso pa nan, bisando: 'Asina Señor Dios ta bisa,' mientras ku SEÑOR no a papia.
Nota: Kalki mal trahá no ta pega bon i no por wanta test. Asina ta ku e motibunan ku ta wòrdu duná pa warda diadomingu na luga di e Sabat di Beibel, e di siete dia, No solamente nan ta sin fundeshi i insoportabel, pero tambe sin balor I ta kontradusí otro. Nan ta meskos ku e testigunan, ku e lidernan Hudiu a usa pa kondená Hesus. Di na Beibel ta bisa: “Pasobra hop i hende tabata duna testimonio falsu kontra djE, ma nan testimonio no tabata kuadra ku otro.” (Marko 14: 55, 56).
E falta di testimoñonan ku ta kuadra ta riba su mes falsedat di testimoño. No tin nada den kual falta di unidat ta asina kla, manera pa warda diadomingu e motibunan ku ta wòrdu duná pa warda diadomingu. Paga tinu na e siguiente:
Un ta bisa ku e Sabat a kambia for di e di siete dia na e prome dia di siman.
Un otro ta bisa ku e mandamentu di Sabat ta eksiguí solamente un dia di sosiegu despues di seisn dia di trabao i ta pesei no tin kambio.
Algun ta rasoná ku tur hende mester warda e diadomingu, aunke Dios, segun nan testimoño, no a preskribí un dia particular, tin mester di unidat, I tur hende su mes Sabat lo nifiká niun Sabat at all.
Otronan ka ta evita e demanda di e lei di Dios, ta bisa ku e prekripshon di Sabat ta un di e institushonnan ku tabata kontra nos I a wòrdu klaba na e krus. Tog nan ta atmití, ku un dia di sosiegu i konvokashon ta nesesario, I ta pesei nan a skohe e dia di resurekshon di Cristo.
Un otro grupo ta bias, kun an ta kere ku ta imposibel pa sa kua dia ta e di siete dia, mientras nan no tin problema pa sa kua dia ta esun prome di siman.
Algun ta asina kabesura, ku nan ta deklará ku diadomingu ta originalmente e di siete dia.
Otro ta bisa ku mes tantu siguridat, ku esnan ku ta Warda e di siete dia, ta buska di wòrdu hustifiká pa medio di e lei i ta kai for di grasia.
Un otro grupo ku ta pensa mas amplio, ta pretendé di kere ku tur hende mester ta konbensí di su mes di warda un dia òf otro òf ningun dia.
Otro atrobe ta deklará ku a a deskubrí un gran punto, pasobra e ta imposibel pa warda e di siete dia riba un mundu ku ta drai rond, i tog kon strañu e por parse, no tin problema pa warda diadomingu tur kaminda rond mundu.
Pa ultimo tin otro ku ta siña ku tur mandamentu a wòrdu kitá; esaki nan ta hasi pa retirá for di obligashon ku e di kuater mandamentu ta eksiguí.
Cristo a bisa: Esun anto ku anulá un di e mandamentunan di mas chikitu aki, i siña hende asina, lo wòrdu yamá esun di mas chikitu den e reino di shelu; ma esun ku warda nan i siña nan na otro, es ei lo wòrdu yamá grandi den e reino di shelu. (Mat 5: 19)

 

16. Kiko Señor a bisa, lo pasa ku e muraya ku a wòrdu di pleister ku kalki?
Ezekiel 13:11 l Bisa esnan ku ta pleister é ku kalki, ku e ta bai kai. Un awaseru duru lo bin, i abo, o hagel, lo kai, i un bientu di tempestat lo lanta.

 

17. Ki ora e hagel lo kai?
Job 38:22,23
22 "Bo a yega di drenta e depósitonan di sneu, òf bo a mira e depósitonan di hagel,
23 ku Mi tin reservá pa e tempu di angustia, pa e dia di guera i bataya?

 

18. Bao di kua di e siete plaganan e hagel lo kai?
Revelashon 16: 7-21
17 I e di shete angel a basha su kòmchi den laira; i a sali un bos duru for di e tèmpel for di e trono, bisando: "Ta kumplí".
18 I tabatin rayonan di lamper i zonidunan i tirunan duru di strena; i tabatin un temblor grandi, manera no tabatin nunka desde ku hende a bin na eksistensia riba tera, asina un temblor grandi i fuerte e tabata.
19 I e gran stat a spleit den tres parti, i e statnan di e nashonnan a kai. I e gran Babilonia a wòrdu rekòrdá dilanti di Dios, pa dun'é e kopa di e biña di Su furia ardiente.
20 I tur is la a hui bai, i e serunan no a wòrdu hafiá mas.
21 l piedranan di hagel masha grandi mes, di mas O menos shen liber kada un, a kai for di shelu riba hende; i nan a blasfemá Dios pa motibu di e plaga di hagel, pasobra e plaga aki tabata masha pisá mes.

 

19. Kiko Dios ta spera di Su sirbidornan pa prepará Su pueblo pa e tempu teribel aki?
Ezekiel 13:5 Boso no a subi bai den e kibránan den muraya, ni boso no a traha muraya rònt di e kas di Israel pa resistí firme den bataya riba e dia di Señor
E murayanan ta e instrukshonnan i spiertamentunan pa yuda e pueblo den su crisis, e perdida di e balor di e Sabat, pa skapa nan for di man di nan enemigunan.

 

20. Kiko nan a hasi na luga di subi bai den e kibrá ku a wòrdu hasí den e lei di Dios?
Ezekiel 13:6 Nan ta mira banidat i adivinashon engañoso ku ta bisa: 'Señor ta deklará,' mientras ku Señor no a manda nan. I tòg nan ta spera pa nan palabra wòrdu kumpli.

 

21. Kua mensahe Dios ta manda durante e tempu di probashon na e mundu, pa hende bira for di adorashon falsu i yega na adorá e Dios bibu i berdadero?
Revelashon 14:7-10
7 i el a bisa na bos haltu: "Teme Dios i dun'E gloria, pasobra e ora di Su huisio a yega; i adorá Esun ku a traha shelu i tera i laman i fuentenan di awa."
8 I un otro angel, un di dos, a sigui, bisando: "El a kai! Ata e gran Babilonia a kai, esun ku a hasi tur e nashonnan bebe di e biña di e pashon di su inmoralidat.
9 I un otro angel, un di tres, a sigui nan, bisando na bos haltu: "Si un hende adorá e bestia i su imagen, i risibi un marka na su frenta of na su man,
10 lo e tambe di e biña di e furia di Dios, ku ta wòrdu bashá puru den e kòmchi di Su rabia; i e lo wòrdu tormentá ku kandela i swafel den presensia di e angelnan santu i den presensia di e Lamchi.
Nota: Esaki ta e ultimo mensahe mandá na e mundu prome ku Hesus bini. Lo tin dos klase di hende; un ku tin e marka di e bestia i e otro ku ta warda e mandamentunan di Dios i tin e Su seyo, e Sabat di e di kuater mandamentu.

 

22. Kiko Cristo a hasi riba dia di Sabat, fuera di bishitá i partisipá den reuinion religioso?
Lukas 4:16 I EI a bin Nazarèt, kaminda El a lanta komo mucha. I manera tabata Su kustumber El a bai den snoa riba dia di Sabat, i a lanta para pa lesa.
Echonan 10:38 Boso sa di Jesus di Nazarèt, kon Dios a ungiE ku Spiritu Santu i ku poder, i kon El a bai rònt, hasiendo bon i kurando tur ku tabata bou di poder di diabel; pasobra Dios tabata kunE.
Nota: Den siman Hesus tabata bai rònt hasi bon i kurando tur ku tabata bou di poder di diabel; Riba Sabat e tabata atende asuntunan di nesesidat I imergensia.