7.12 E duresa di e dia di Señor

 

1. Kiko ta e marka di e dia di Señor?
Sofonias 1:14,15
14 "E gran dia di Señor ta serka; e ta serka i e ta bin masha lihé mes. Skucha! E sklamashon riba e dia di Señor lo ta amargo. Ayanan e guerero ta grita.
15 E dia ei ta un dia di furia, un dia di problema i angustia, un dia di destrukshon i desolashon, un dia di skuridat i tiniebla, un dia di nubia i skuridat profundo,

 

2. Bou di kua di e siete seyonan e dia aki ta kuminsá?
Revelashon 6:12-17
12 I mi a wak ora ku El a kibra e di seis seyo, i tabatin un temblor masha grandi; i solo a bira pretu manera paña di saku trahá di lana di kabritu, i henter e luna a bira manera sanger;
13 i e streanan di shelu a kai riba tera, manera un palu di figo ta laga su figonan bèrdè kai ora ku un bientu duru sakudié.
14 I e shelu a hala sera manera un ròl ora ku e wòrdu lorá; i tur seru i isla a wòrdu kitá for di nan lugá.
15 I e reinan di tera i e hòmbernan grandi i e komandantenan i e rikunan i e poderosonan i tur esklabu i hòmber liber a bai skonde den e kuebanan i meimei di e barankanan di e serunan;
16 i nan a bisa e serunan i e barankanan: "Kai riba nos i skonde nos pa e pre¬sensia di Esun ku ta sinta riba trono, i pa e furia di e Lamchi;
17 pasobra e dia grandi di nan furia a yega, i ken lo por keda para?"

 

3. Kua siñalnan lo a paresé bou di e seyo aki?
Revelashon 6:12,13
12 I mi a wak ora ku El akibra e di seis seyo, i tabatin un temblor masha grandi; i solo a bira pretu manera paña di saku trahá di lana di kabritu, i henter e luna a bira manera sanger;
13 i e streanan di shelu a kai riba tera, manera un palu di figo ta laga su figonan bèrdè kai ora ku un bientu duru sakudié.

 

4. Bou di kua seyo Señor lo bini?
Revelashon 8:1 I ora ku EI a kibra e di shete seyo, tabatin un silensio den shelu pa mas o menos mei ora.

 

5. Ku kiko e dia di furia lo kuminsá?
Revelashon 15:1 i mi a mira un otro señal den shelu, grandi i maraviyoso, shete angel ku tabatin shete plaga, kualnan ta e ultimonan, pasobra den nan e furia di Dios a keda kumpli,

 

6. Kua evento grandi lo tuma luga na e binida di Kristo?
1 Tesalonisensenan 4:16 Pasobra Señor mes lo baha for di shelu ku un gritu, ku bos di arkangel i ku tròmpèt di Dios; i e mortonan den Cristo lo lanta promé.

 

7. Kuantu tempu despues e mortonan malbado lo wòrdu resusitá?
Revelashon 20:5 E restu di e mortonan no a bolbe biba te ora ku e mil añanan a keda kumpli,

 

8. Kiko ta sosede ora nan ta rondoná e stat santu?
Revelashon 20:9 I nan a subi bin riba henter e hanchura di tera i a rondoná e kampamentu di e santunan i e stat stimá; i kandela a baha for di shelu i a devorá nan.

 

9. Kon e devoráshon ta wòrdu yamá?
Revelashon 21:8 Ma e kobardenan, i e inkrédulonan, i e abominabelnan, i e matadónan, i e fornikadónan i e hasidónan di bruha, i e adoradónan di dios falsu i tur gañadó, nan parti lo ta den e lago ku ta kima ku kandela i swafel, kual ta e di dos morto. "

 

10. Pa kiko e shelunan i tera aktual ta wòrdu reservá?
2 Pedro 3:7 Ma e shelunan i e tera aktual pa medio di Su palabra ta wòrdu reservá pa kandela, wardá pa e dia di huisio i destrukshon di hendenan impio.

 

11. E dia di Señor ta ekskluí e dia di devorásho?
2 Pedro 3:7 Ma e shelunan i e tera aktual pa medio di Su palabra ta wòrdu reservá pa kandela, wardá pa e dia di huisio i destrukshon di hendenan impio.