7.10 E Rekolekshon di Israel

 

1. Kiko Israel mester eksperensia pa motibu di nan desobedensia?
Jeremias 34:17 "Pesei, asina Señor ta bisa: 'Boso no a obedeséMi; boso no a proklamá libertat, kada un na su ruman i kada un na su próhimo. Mira, Mi ta proklamá libertat na boso,' Señor ta deklará, 'Iibertat pa kai pa medio di spada, pèst i hamber; i lo Mi hasi boso un teror pa tur reino di tera.
Jeremias 25:8-11
8 "Pesei, asina e Señor di ehérsitonan ta bisa: 'Pasobra boso no a obedesé Mi palabranan,
9 mira, lo Mi manda buska tur e famianan di nòrt, , Señor ta deklará, 'i lo Mi manda buska Mi sirbidó Nabukodonosor, rei di Babilonia, i trese nan kontra e tera aki i kontra su habitantenan, i kontra tur e nashonnan aki tur rònt, Lo Mi destruí nan kompletamente, i hasi nan un horor, un bofon i un desolashon pa semper.
10 Ademas, lo Mi kita for di nan e bos di goso i e bos di alegria, e bos di brùidehòm i e bos di brùit, e zonidu di piedranan di mula i e klaridat di lampi,
11 I henter e tera aki lo keda un desolashon i un horor, i e nashonnan aki lo sirbi rei di Babilonia pa setenta aña.

 

2. Kua profesia ta papia tokante nan regreshon for di koutiverio?
Jeremias 29:11-14
11 Pasobra Mi sa e plannan ku Mi tin pa boso;' Señor ta deklará, 'plannan pa pas i no pa kalamidat, pa duna boso un futuro i un speransa.
12 Anto boso lo sklama na Mi i bin hasi orashon na Mi, i lo Mi skucha boso.
13 I boso lo buskaMi i hañaMi, ora boso buskaMi ku henter boso ku-rason.
14 I lo Mi laga boso hañaMi,' SEÑOR ta deklará, 'i lo Mi trese boso bèk for di koutiverio, i lo Mi rekohé boso for di tur e nashonnan i for di tur e lugánan kaminda Mi a kore ku boso manda boso bai,' SEÑOR ta deklará, 'i lo Mi trese boso bèk na e lugá for di unda Mi a manda boso den eksilio.'
Jeremias 23:3 "Anto Ami mes lo reuni e restante di Mi tou for di tur e paisnan kaminda Mi a kore ku nan, manda nan bai, i trese nan bèk na nan lugá di yerba bèrdè; i nan lo ta fruktifero i lo multipliká.

 

3. Di ki manera Moises a papia tokante un otro diáspora grandi?
Deuteronomio 28:49-51
49 " Señor lo trese kontra bo un nashon for di leu, for di e fin di tera, ku ta baha lihé manera águila, un nashon ku bo no ta komprendé su lenga,
50 un nashon di aparensia kruel ku lo no tin rèspèt pa e ansiano, ni ta mustra grasia na e hoben.
51 Ademas, e lo kome e yunan di bo bestianan i e kosecha di bo tera te ora bo keda destruí; tampoko e no ta laga mainshi pa bo, ni biña nobo, ni zeta, ni e oumento di bo kria di baka, ni e lamchinan di bo tou di karné, te ora ku el a hasibo peresé.
Lesa Deuteronomio 28:52-64

 

4. Kua simbolo a wòrdu usá den e pronòstiko di tur e kosnan aki?
Jeremias 19:1-3
1 Asina Señor ta bisa: "Bai kumpra un butishi di klei serka e alfarero i hiba algun ansiano di e pueblo i algun ansiano di e saserdotenan.
2 Anto bai na Vaye di Bèn-hinom, ku ta keda na entrada di e Porta Pariba, i proklamá ayanan e palabranan ku Ami lo dunabo,
3 i bisa: 'Skucha e palabra di Señor, o reinan di Juda i habitantenan di Jerusalèm: asina e Señor di ehérsitonan, e Dios di Israel, ta bisa: "Mira, Mi ta bai manda kalamidat riba e lugá aki, ku lo pone orea di tur esnan ku tende di djé flùit.
Nota: E kalamidat aki a tuma luga den e aña 70 n. C. Bou di e general Romano Tito. Ku un ehersito di sesenta mil soldánan ela rondoná e stat i distruél’e.

 

5. Pa kuantu tempu Jerusalem lo a wòrdu trapá?
Lukas 21:24 i nan lo kai pa medio di filo di spada, i lo wòrdu hibá komo prezo na tur e nashonnan; i Jerusalèm lo wòrdu trapá dor di e paganonan te ora ku e tempunan di e paganonan keda kumpli,
Nota: Ku Jerusalem kiermen e pueblo, e bèrdát i e berdadero servisio di Dios. Primeramente e ta wòrdu yamá Salem den Beibel (Genesis 14: 18); den figura literal ta wòrdu papiá di un mama ku ta duna lus na yunan (Galationan 4: 26, 7) i ta un typo di e sta santu, e Jerusalem Nobo, ku lo ta e kapital di e tera nobo. Den Revelashon 11: 2, Jerusalem ta wòrdu usá komo un typo di e pueblo di Dios durante e periodo largu di e 1260 aña di e persiguishon papal, unda e wòrdu referí komo “e stat santu” ku e paganunan a trapá pa kuarent’i dos luna. (Revelashon 13: 5)

 

6. Kiko lo trese e fin na e “tempunan” ku ta predestiná pa e paganunan?
Mateo 24:14 I e evangelio aki di e reino lo wordu prediká den henter mundu komo un testimonio na tur nashon, i e ora ei e fin lo yega.

 

7. Di kon e evangelio mester a wòrdu prediká na e paganunan?
Echonan 15:14 Simon a konta kon Dios, for di un prinsipio, a bishitá e paganonan, pa tuma for di nan un pueblo pa Su nòmber,

 

8. Ki idea falsu algun lo bin kere tokante e reunion di Israel aki?
Mikeas 4:2 I hopi nashon lo bin bisa: "Ban laga nos subi bai na e seru di Señor i na e kas di e Dios di Jakob, pa E siña nos di Su kamindanan i pa nos kana den Su berehanan." Pasobra e lei lo sali for di Sion, e palabra di Señor for di Jerusalèm.

 

9. Ku ki proposito e paganunan lo wòrdu reuní na Palestina?
Joel 3: 12-14
12 Laga e nashonnan lanta i bin na e vaye di Josafat, pasobra ayanan lo Mi sinta pa huzga tur e nashonnan tur rònt,
13 Zwai ku sikkel, pasobra e kosecha ta hechu. Bin, trapa wendrúif pasobra e baki-di-pèrs-wendrúif ta yen; e barinan ta basha ofer, pasobra nan mal dat ta grandi.
14 Multitutnan, multitutnan den e vaye di desishon! Pasobra e dia di Señor ta serka den e vaye di desishon.

 

10. Bou di influensia di ken e nashonnan li wòrdu renuní?
Revelashon 16:13,14
13 I mi a mira ta sali for di boka di e dragon i for di boka di e bestia i for di boka di e profeta falsu, tres spiritu impuru manera dori;
14 pasobra nan ta spiritunan di demoñonan ku ta hasi milagernan, ku ta sali bai serka e reinan di henter mundu, pa reuni nan pa e guera di e gran dia di Dios Todopoderoso.

 

11. Ku ken e pueblo di Dios lo wòrdu reuní?
Genesis 49:10 E sèpter lo no kita for di Juda, ni e bara di gobernadó for di meimei di su pia, te ora Silo (Kristo) bin, i nashonnan lo obedes'E.

 

12. Kon Kristo mes a papia tokante e reunion di paganunan?
Juan 10:16 I Mi tin otro karnénan ku no ta di e kurá aki; nan tambe Mi mester, trese, i nan lo tende Mi bos; i nan lo bira ún tou ku ún wardadó.

 

13. Kua reunion grandi e pueblo di Dios ta spera?
Isaias 11:11,12
11 I den e dia ei lo sosodé ku Señor lo ekstendé Su man pa di dos bes, pa rekohé e restante di Su pueblo ku lo keda for di Asiria, Egipto, Patros, Etiopia, Elam, Sinar, Hamat, i for di e islanan di laman.
12 I E lo lanta un emblema pa e nashonnan, i lo trese huntu esnan di Israel ku a wòrdu deportá, i lo reuni esnan di Juda ku a wòrdu plamá, trese nan for di e kuater skinanan di tera.
Mateo 24:31 I E lo manda Su angelnan ku un zonidu duru di tròmpèt i nan lo reuni Su eliginan for di e kuater bientunan, for di esun ekstremo di shelu te na e otro.