6.19 E Misterio di Dios Terminá

1. Kiko Juan a mira despues di su deskripshon di e di seis Tròmpet?
Revelashon 10:1 I mi a mira un otro angel fuerte ta baha for di shelu, bistí ku un nubia; i tabatin un regenbog riba su kabes, i su kara tabata manera solo, i su pianan tabata manera pilar di kandela;

2. Kiko e tabatin den su man?
Revelashon 10:2 i e tabatin den su man un buki chikitu ku tabata habri. I el a pone su pia drechi riba laman i su pia robes riba tera;

3. Kua anunsio solèm e angel aki a hasi?
Revelashon 10:5, 6
5 I e angel ku mi a mira pará riba laman i riba tera a lanta su man drechi na shelu,
6 i a hura pa Esun ku ta biba pa semper i semper, Kende a krea shelu i e kosnan ku tin den djé, ter a i e kosnan ku tin den djé, laman i e kosnan ku tin den djé, ku lo no tin tempu mas,

4. Kiko, segun e angel, lo finalisá, ora e di shete tròmpet tabata na punto di supla?
Revelashon 10:7 ma den e dianan di e bos di e di shete angel, ora ku e ta kla pa toka, e misterio di Dios lo ta kumplî, manera El a anunsiá na Su sirbidónan, e profetanan.
Nota: E misterio di Dios ta e evangelio. Efesionan 3:6
Efesionan 3:6 E misterio aki ku e paganonan ta ko-eredero¬nan i miembronan di e mesun kurpa, i ko-partisipantenan di e promesa den Cristo Jesus pa medio di e evangelio,
E misterio lo stòp di wòrdu prediká ora e di siete òf ultimo tròmpet ta kuminsá sona

5. Kiko a wòrdu bisá na Juan pa hasi ku e buki?
Revelashon 10:8, 9
8 I e bos ku mi a tende for di shelu, mi a bolbe tende ta papia ku mi, bisando: "Bai kohe e buki ku ta habrí den man di e angel ku ta pará riba laman i riba tera."
9 I mi a bai serka e angel i a bis'é pa dunami e buki chikitu. I el a bisami: "Tum'é i kom'é; i e lo hasi bo stoma marga, ma den bo boka e lo ta dushi manera miel."

6. Kiko lo tabata e konsekuensia despues di kome e buki?
Revelashon 10:9 I mi a bai serka e angel i a bis'é pa dunami e buki chikitu. I el a bisami: "Tum'é i kom'é; i e lo hasi bo stoma marga, ma den bo boka e lo ta dushi manera miel."

7. Kiko e apostel ta bisa tokante su eksperensia den a kaso aki?
Revelashon 10:10 I mi a tuma e buki chikitu for di e angel su man i a kom'é, i e tabata dushi manera miel den mi boka; i ora mi a kaba di kom'é, mi stoma a bira marga.

8. Kua palabranan, dirigí na Juan, ta mustra ku tantu e tempu literal komo e tempu di grasia ainda lo dura un tempu largu, i ku Dios tin un mensaha pa e mundu?
Revelashon 10:11 I nan a bisami: "Bo mester bolbe profetisá tokante di hopi pueblo i nashon i lenga i rei."