6.17 E Shete Seyonan

 

1. Kiko Juan e revelador a mira den mandrechi di Esun sinta riba e trono?
Revelashon 5:1 I mi a mira den e man drechi di Esun ku tabata sintá riba e trono un buki skirbí paden i pafó, seyá ku shete seyo.

 

2. Kiko e Lamchi a hasi ku e buki aki?
Revelashon 5:7 I El a bin, i El a tum'é for di man drechi di Esun ku tabata sintá riba e trono.

 

3. Dikon Kristo a wòrdu deklara digno pa habri e seyonan?
Revelashon 5:9 I nan a kanta un kantika nobo, bisando: "Abo ta digno pa tuma e buki i pa kibra su seyonan; pasobra Abo a wòrdu matá, i ku Bo sanger Bo a kumpra pa Dios hende for di tur tribu i lenga i pueblo i nashon.

 

4. Kiko a wòrdu mustrá ora e prome seyo a habri?
Revelashon 6:1, 2
1 I mi a mira ora ku e Lamchi a kibra un di e shete seyonan, i mi a tende un di e kuater kriaturanan bibu ta bisa ku un bos manera di strena: "Bin."
2 I mi a wak, I ata un kabai blanku, i esun ku tabata sintá riba djé tabatin un bog; i un korona a wòrdu duná na djé, i el a sali konkistando, i pa konkistá.
Nota: E sifra 7 den Skritura ta indiká kompleto òf perfekshon. E shete seyonan ta enserá henter un klase di eventonan, de kual e historia di e iglesia ta wòrdu kontá for di e kuminsamentu di e era Kristian te na e binida di Kristo. E kabai blanku ku su koredò, sali pa konkistá ta representá apropiádamente e prome iglesia Kristian den su puresa, ku a bai ku e evangelio di salbashon na henter mundu

 

5. Kiko ta parese bao di e dos seyo?
Revelashon 6:3,4
3 I ora ku El akibra e di dos seyo, mi a tende e di dos kriatura bibu ta bisa: "Bin."
4 I un otro kabai, un kabai kòrá, a sali; i na esun ku tabata sintá riba djé, a wòrdu pèrmiíi" pa kita pas for di riba tera, i pa hasi hende mata otro; i un spada grandi a wòrdu duná na djé.
Nota: Mientras ku e kolo blanku di e prome kabai ta represendo e puresa di e evangelio ku e koredò ta plama, asina e kolo di e di dos kabai ta mustra e korupshon ku a drenta, ora e simbolo aki tabata aplikabel.
Kristianidat ta bistí ku paganismo. E semia di mayoria di e erornan ku a drenta den iglesia despues, a daña e puresa di e evangelio. Iglesia a buska union ku podernan mundial ku a kousa disturbo i intrankilidat tabata e resultado. E simbolo aki ta kubri e fin di e prome siglo te na e tempu di Konstantino, ora tabatatin e union kompleto di iglesia i estado.

 

6. Kiko tabata e kolo die e symbolo bao di e terser seyo?
Revelashon 6:5 I ora ku El akibra e di tres seyo, mi a tende e di tres kriatura bibu ta bisa: "Bin." I mi a wak, I ata un kabai pretu; i esun ku tabata sintá riba djé tabatin un balansa den su man.
Nota: Kristianidat e ora ei a bira popular I un gran parti, I por ta e mayoria di esnan ku a aseptá Kristianidat, a asepta solamente e nòmber I a w149rdu batisá I tabata ten nan mes ku algun seremoniananeksterno di e iglesia, mientras nan e keda paganu manera nan tabata den kurason I den karakter moral. Eror I korupshon a drenta iglesia manere un fluho.

 

7. Kiko tabata e kolo i e karakter di e di kuater symbolo?
Revelashon 6:7,8
7 I ora ku El akibra e di kuater seyo, mi a tende e bos di e di kuater kriatura bibu ta bisa: "Bin."
8 I mi a wak, I ata un kabai pálido; i esun ku tabata sintá riba djé tabatin e nòmber Morto; i Hades tabata sigui huntu kuné. I outoridat a wòrdu duná na nan riba un kuartu parti di e tera, pa mata ku spada i ku hamber i ku pèst, i pa medio di e bestianan salbahe di tera.
Nota: Esaki ta un kolo innatural pa un kabai. E palabra original ta mustra riba un kolo pálido, manera hel di matanan ku tin pèst. E simbolo ta mustra evidentemente riba persiguishon i ekstermináshon ku e iglesia Romano a praktiká kontra e pueblo di Dios, for di kuminsamentu di e poder papal den 538 n.C ora e Reformadornan a kuminsa eksponé e berdadero karakter di e Papado i e matamentu a wòrdu frená.

 

8. Kiko a wòrdu mirá bao di e altar na habrimentu di e di seis seyo?
Revelashon 6:9 I ora ku El a kibra e di sinku seyo, mi a mira bou di e altar e almanan di esnan ku a wòrdu matá pa motibu di e palabra di Dios, i pa motibu di e testi¬monio ku nan tabatin;
Nota: Ora e Reformadordan e eksponé e trabou di e Papado, a wòrdu rekorda kuantu martirnan a wòrdu matá pa motibu di nan fe.

9. Kon e martirnan aki a wòrdu presentá?
Revelashon 6:10 i nan a sklama na bos haltu, bisando: "Kuantu tempu mas, O Señor, santu i bèrdadero, lo Bo keda sin huzga i sin venga nos sanger riba esnan ku ta biba riba tera?"
Nota: E tratamentu kruel kun a a sufri, ta yama pa bengasa manera e sanger di Abel tabata yama na Dios for di suela. (Genesis 4: 10).
E almanan aki no tabata den shelu, ma riba e alter riba kual nan a wòrdu matá. E altar ta riba tera I no den shelu. Aki e imagen do personifikashon ta wòrdu usá, den kual ophetonan morto ta wòrdu representá manera nan ta na bida I ta papia manera nan ta na bida.
(Lesa Huesnan 9: 8 – 15).

 

10. Kiko a wòrdu duná na e martirnan aki?
Revelashon 6:11 I a wòrdu duná na kada un di nan un bistí blanku; i a wòrdu bisá na nan ku nan mester sosegá un poko tempu mas, te ora ku e kantidat di nan ko sirbidónan i nan rumannan ku mester a wòrdu matá ainda meskos ku nan, lo a keda kompletá tam¬be.
Nota: E martirnan aki a muri manera renegado bou di skuridat i superstishon. Kargá ku infamia bèrguensa. Awor den e lus di e reformashon nan berdadero karakter na bin den lus ku nan tabata hustu ta pesei nan a bisti blanku a wòrdu duná na nan, ku tabata representá nan hustisia.
Hustisia ta wòrdu impartá na nan dor di Hesus manera ta indiká den Revelashon 19: 8 I a wòrdu pèrmití na djé pa bisti su mes na lino fini, briyante i limpi; pasobra e lino fini ta e echonan hustu di e santunan.
Nan mester a sosegá un tiki mas riba e altar te ora tur otro te ora ku e kantidat di nan ko sirbidónan i nan rumannan ku mester a wòrdu matá ainda meskos ku nan, lo a keda kompletá tam¬be.

 

11. Kiko a wòrdu mira prome di habrimentu di e di seis seyo?
Revelashon 6:12 I mi a wak ora ku El a kibra e di seis seyo, i tabatin un temblor masha grandi; i solo a bira pretu manera paña ¬di saku trahá di lana di kabritu, i henter e luna a bira manera sanger;
Nota: Esaki ta mustra sin duda riba e gran temblor 1 november 1755, konosí komo e temblor di Lisboa. Lisboa, den Portugal, a wòrdu distruí kasi kompletamente. Den su buki Wonders of the World, Sers ta bisa: E temblor a kousa inmediatamente ku kada iglesia i kada konvento, kasi tur edefisionan publiko i kwart di tur kas a basha abou. Mas o menos dos ora despues tabata tin kandela den diferente parti di e stat ku a dura kasi tres dia ku kasi henter e stat a distruí. E temblor a tuma luga riba un dia santu i ku tur e iglesianan i konventonan tabata yen ku hende di kual poko a skapa. E ansia di hende tabata indeskriptibel. Ningun hende tabata yora; e tabata muchu teribel pa yora. Nan tabata bai bin, enormemente spantoso i yen di horor nan tabata bati riba nan kara i pechu, gritande “miserikordia, fin du mundu a yega!”
Mamanan a lubida nan yunan i tabata kore ront ku imagen di e Salbador krusifiká. Hopi tabata bai pa siguridat i tabata brasa e altarnan; imagennan, saserdotenan i hende a wòrdu derá bou di ruina. Aproksimadamente nobenta mil hendenan a muri.

 

12. Kiko lo a sigui despues di e gran temblor?
Revelashon 6:12 I mi a wak ora ku El akibra e di seis seyo, i tabatin un temblor masha grandi; i solo a bira pretu manera paña ¬di saku trahá di lana di kabritu, i henter e luna a bira manera sanger;
Nota: Esaki ta mustra riba e dia skur di 19 di mei 1780, ora e skuridat tabata asina intenso, ku e impresion general tabata ku e dia di huisio a yega. Den historia e dia aki ta konosí komo “e dia skur”
Den gran parti di e mundu Nobo (Merka), e dia a kuminsa normal ora diripiente un skuridat apnormal a kai banda di 10 or. Den hopi kas bela a wòrdu sendé. A paranan a bira ketu i desparsé. E galiñanan a drente kouchi. Ku akuerdo ku e impreshon ku Dios tabata ke pa e dia aki hasi, hopi a pensa ku e dia di huisio a yega. Aunke e anochi anterior tabata luna yen, e skuridat tabata asina será ku no por a mira ningun lus na firmamentu i ni un blachi blanku tené un duim dilanti wowo por a mira.

 

13. Kua otro evento ta wòrdu mira bao di e seyo aki?
Revelashon 6:13 i e strea¬nan di shelu a kai riba tera, manera un palu di figo ta laga su figonan bèrdè kai ora ku un bientu duru sakudié.
Nota: Esaki a keda kumplí riba 13 november 1833.

 

14. Kiko ta e siguiente evento ku ta wòrdu yamá den e profesia aki?
Revelashon 6:14 I e shelu a hala sera manera un ròl ora ku e wòrdu lorá; i tur seru i isla a wòrdu kitá for di nan lugá.
Nota: E evento aki ta den future I lo tuma luga en konekshon ku e binida di Kristo. Awor nos ta para mei mei di dos eventonan. E signal den e studio aki ta mustra aserkamentu di e binida di Kristo I e fin di tur reinonan di tera.

15. Kua influensha e gran evento aki lo tin riba mundu?
Revelashon 6:15-17
15 I e reinan di tera i e hòmbernan grandi i e komandantenan i e rikunan i e poderosonan i tur esklabu i hòmber liber a bai skonde den e kuebanan i meimei di e barankanan di e serunan;
16 i nan a bisa e serunan i e barankanan: "Kai riba nos i skonde nos pa e pre-sensia di Esun ku ta sinta riba trono, i pa e furia di e Lamchi;
17 pasobra e dia grandi di nan furia a yega, i ken lo por keda para?"

 

16. Kon e di shete seyo ta wòrdu introdusí?
Revelashon 8:1 I ora ku EI a ki bra e di shete seyo, tabatin un silensio den shelu pa mas o mènos mei ora.
Nota: E di seis seyo tabata introdusí e eventonan relashoná ku e binida di Kristo. Pesei e di shete seyo tin ku mustra riba e evento ei òf komo konsekuensia di dje. Ora Kristu ta bin, tur e angelnan santu lo akompañ’e (Mateo 25: 31). For di esaki nos por konkluí ku durante nan ousensia lo tin silensio den shelu.
Un mitar ora den profesia mester ta mas o menos shete dianan.
Ta pesei e shete seyonan ta hiba nos na e binida di Kristo.