6.16 E Shete Iglesianan

 

1. Ki titulo a wòrdu duná na e ultimo buki di e Beibel?
Revelashon 1:1 E Revelashon di Jesu-Cristo, ku Dios a dun'E pa mustra Su sirbidó¬ nan e kosnan ku mester sosodé pronto; i El a manda esaki i a komunik'é pa medio di Su angel na Su sirbidó Juan,

 

2. Na ken e kosnan aki ta wòrdu revelá?
Deuteronomio 29:29 "E kosnan sekreto ta pertenesé na SEÑOR nos Dios, ma e kosnan revelá ta pertenesé na nos i na nos yunan pa semper, pa nos kumpli ku tur e palabra¬nan di e lei aki.

 

3. Ku kua proposito Revelashon a wòrdu duná?
Revelashon 1:1 E Revelashon di Jesu-Cristo, ku Dios a dun'E pa mustra Su sirbidónan e kosnan ku mester sosodé pronto; i El a manda esaki i a komunik'é pa medio di Su angel na Su sirbidó Juan,

 

4. Kua gran evento ta riba man segun Revelashon?
Revelashon 1:7 Mira, E ta bin ku e nubianan, i tur wowo lo mir'E, tambe esnan ku a traspas'E; i tur e tribunan di tera lo lamentá pa Su motibu. Sí Amèn.

 

5. Kua animashon ta wòrdu duná pa lesa e buki aki?
Revelashon 1:3 Bendishoná ta esun ku lesa i esnan ku tende e palabranan di e profe¬sia, i ku paga atenshon na e kosnan ku ta pará skirbí den djé; pasobra e tempu ta serka.

 

6. Na ken e buki aki tabata dediká?
Revelashon 1:4 Juan, Na e shete iglesianan ku ta na Asia: Grasia sea ku boso i pas di Esun ku ta i ku tabata i ku lo bin, i di e shete Spiritunan ku ta dilanti di Su trono;

 
7. Kiko tabata e nombernan di e shete iglesianan?
Revelashon 1:11 bisando: "Skirbi den un buki loke bo ta mira, i manda esaki pa e shete iglesianan: pa Efeso i pa Smirna i pa Pérgamo i pa Tiatira i pa Sardis i pa Filadelfia i pa Laodisea."
Nota: E shete iglesianan i e mensahenan ku ta wòrdu dirigí na nan ta aplikabel na shete periodonan òf situashonnan di e iglesia for di e prome binida di Hesus te na Su segunda binida.
Bou di presentashon simbóliko aki di e shete iglesianan di Asia, Spiritu Santu a diskribí shete diferente siituashonnan di e iglesia Kristian, ku lo a wòrdu mirá den sekuensia te na e segunda binida di nos Señor i e fin di tur kos.
Nan bon kualidat i nan desabilidatnan ta wòrdu mustrá ku reprendementu, amonestashonnan i spiertamentunan, ku ta pas partikularmente pa kada un i kual tambe tur ku ta aplikabel na e eksperensianan kristian personal.

 

8. Dor di kua nomber e kondishon di e prome iglesia ta wòrdu destingui? Kon e ta wòrdu elogiá?
Revelashon 2:1-3
1 "Skirbi na e angel di e iglesia di Efeso: Esun ku ta tene e shete streanan den Su man drechi, Esun ku ta kana meimei di e shete kandelánan di oro, ta bisa esaki:
2 'Mi konosé bo obranan i bo trabou duru i pèr¬severansia, i ku bo no por soportá hende malbado, i bo ta pone na prueba esnan ku ta yama nan mes apostel, ma ku no ta, i bo a haña sa ku nan ta falsu;
3 i bo tin pèrse¬veransia i a soportá pa motibu di Mi nòmber, i no a kansa.
Nota: Efeso ta nifiká deseabel i ta definí adekuadamente e karakter i situashon di e iglesia den su prome estado, ora su miembronan tabata risibí e siñansa di Kristo den puresa i tabata desfrutá di e bendishonnan di e donnan di Spiritu Santu.
Esaki ta aplikabel for di prome siglo òf durante e bida di e apostelnan.
E periodo aki a dura mas o menos for di 31 n.C en 100. E periodo aki tambe ta wòrdu yamá e Siglo di puresa Apostoliko.

 

9. Despues di a elogiá e eglesia aki, kua akusashonnan Señor ta trese dilanti kontra su miembronan?
Revelashon 2:4, 5
4 ' Ma Mi tin esaki kontra bo, ku bo a bandoná bo promé amor.
5 Pe¬sei, kòrda for di unda bo a kai, i repenti i hasi e obranan ku bo tabata hasi promé; sino Mi ta bin serka bo, i lo kita bo kandelá for di su lugá, a menos ku bo repentí,
Nota: E prome amor ta amor pa e berdat i deseo profundo pa hasi’e konosí na otro. E prome obranan ta e frutanan di e amor aki.

 
10. Kua nomber ta wòrdu duná na e segundo iglesia?
Revelashon 2:8 "I skirbi na e angel di e iglesia di Smirna:E Promé i e Ultimo, Kende tabata morto i ta biba atrobe, ta bisa esaki:
Nota: Smyrna ta nifiká mirre òf holo dushi i ta aplikabel na e tempu ku hopi di e Santunan di Dios a sufri martirio durante Roma pagano.

 

11. Kon ta wòrdu referenshá na e ultimo era di persiguishon di e iglesia durante e tempu aki?
Revelashon 2:10 No tene miedu di loke bo ta bai sufri. Mira, diabel ta bai tira algun di boso den prizon, pa boso wòrdu poní na prueba, i boso lo sufri tribulashon dies dia largu. Sea fiel te na morto i lo Mi dunabo e ko¬rona di bida.
Nota: E persiguishon mas pisá konosí komo e dies dia di persiguishon bou di Roma paganu, a kuminsa bou di emperador Diocletianus i a dura for di 303 n. C te ku 313 n. C, e periodo di 10 dianan profetiko. 1 dia profetiko ta un aña. Asina ku 10 dia ta igual ku 10 aña.

 

12. Kua nomber ta duná na e di tres iglesia?
Revelashon 2:12 "I skirbi na e angel di e iglesia di Pérgamo: Esun ku tin espada skèrpi di dos filo ta bisa esaki:
Nota: Pergamun ta nifiká haltura òf eksaltá i ta presentá na un manera adekua e periodo di e iglesia Kristian, ku tin si komenso ku e gobierno di Konstantino na 313 n. C. Bou su gobierno e matamentu di e kristianan a hala su atenshon. Pa medio di rekompensa, edikto i promoshon primintí i posishon den gobierno e tabata purba pa persuadí hendenan pa bira Kristian i di manera aki mundanalidat i korupshon a drenta iglesia.
Hopi di e usonan paganu den iglesia i seremonianan ku antemano a wòrdu introdusí den iglesia, inkluí diadomingo, e dia di fiesta paganu (dia di solo), a wòrdu stipulá pa lei, i kosekuentamente e prome dia di siman a okupá e sabat di Beibel.

 

13. Kon e fieldat di e iglesia aki ta wòrdu elogiá?
Revelashon 2:13 'Mi sa unda bo ta biba, kaminda Satanás su trono ta; i bo ta tene firme na Mi nòmber i no a nenga Mi fe, ni den e dianan di Antipas, Mi testi¬gu, esun ku ta fiel na Mi, kende a wòrdu matá meimei di boso, ka¬minda Satanás ta biba.
Nota: Antipas ta bin for di dos palabranan Latino, anti (kontra) i papas (tata òf papa) i ta mustra riba un grupo di hende ku tabatata kontra e outoridat papal.

 
14. Kua nomber a wòrdu duná na e di kuater iglesia?
Revelashon 2:18 "I skirbi na e angel di e iglesia di Tiatira: E Yu di Dios, Kende tin wowo manera flam di kandela, i Su pia¬nan ta manera brons lombrá, ta bisa esaki:
Nota: Tiatira ta nifiká kantika di obra òf ofrenda di kontrishon I ta mustra kiko e situashon di e pueblo do Dios tabatata durante e periodo largu i skur di e 1260 añanan, kuminsando ku e establesimentu di e supremasia dipoder papal den 538 n.C I a finalisá ku e dekadensia di e poder ei den 1798. Durnte e tempu ei miones di e satunan di Dios a wòrdu matá mas kruel ku inkredulonan I diabelnan por a pensa.
Kristotabata mustra riba e tempu ei den Su profesia milagroso ku ta notá den Mateo 24: 21-22:
21 pasobra e ora ei lo tin un gran tribulashon, manera nunka tabatin for di prinsipio di mundu te awor aki, i ku lo no tin nunka mas tampoko.
22 I si e dianan ei na a wòrdu hasi mas kòrtiku, ningun bida lo no a wordu salbá; ma pa kousa di e eliginan e dianan ei lo wòrdu hasi mas kòrtiku,
E tribulashon di e 1260 añanan a wòrdu hasi kòrtiku bou di influensia di e Reformashon

15. Kua promesa Dios tabatatin pa esnan persiguí?
Revelashon 2:25-27
25 Sin¬embargo, loke boso tin, tene firme na djé te ora Mi bin.
26 'I esun ku vense, i esun ku hasi Mi boluntat te na fin, na djé lo Mi duna outoridat riba e na¬shonnan.
27 "I E lo goberná nan ku bara di heru, manera e pòchinan di e alfarero ta wòrdu kibrá na pida-pida,"e manera Ami tambe a risibî outoridat di Mi Tata;

 

16. Kua nomber a wòrdu duná na e di sinku iglesia?
Reve1ashon 3:1 "I skirbi na e angel di e iglesia di Sardis: "Esun ku tin e shete Spiritunan di Dios ieshete streanan ta bisa esaki: 'Mi konosé bo obranan, ku bo tin e nòmber di ta bibu, ma bo ta morto.
Nota: Sardis ta nifiká kantika di alegria òf remanente (loke a sobra).
E motibu di alegria den e tempu ei tabata e echo ku e gran tribulashon di e pueblo di Dios a yega na su fin. E tabata komo konsekuensia di e Reformashon ku algun di e pueblo di Dios a sobra. E iglesia I Sardia a keda eksistí for di fin di e dominio Papal den 1798 te na e gran movement adventista den 1833, ku a wòrdu indiká dor di kaimentu di streanan 13 di November di e aña ei., manera a wòrdu pronostika den Mateo 24:29 "Ma mesora, despues di e tribula¬shon di e dianan ei, 'solo lo bira skur i luna lo no duna su klaridat i e streanan lo kai for di shelu, i e podernan di e shelunan lo wòrdu sakudí.

 
17. Kua nomber tiernu a wòrdu duná na e di seis iglesia?
Revelashon 3:7 "I skirbi na e angel di e iglesia di Filadelfia: "Esun santu, Kende ta bèrda¬dero, Kende tin e yabi di David, Kende ta habri i ningun hende no ta sera, i Kende ta sera i ningun hende no ta habri, ta bisa esaki:
Nota: Filadelfia ta nifiká amor fraternal i ta aplikabel na e Iglesia durante e proklamashon di e mensahe tokante e ora di huisio manera a wòrdu anunsia den Revelashon 14: 6, 7 i Echonan 17: 31
E mensahe aki a wòrdu proklamá den e periodo di 1833 te ku 1844.

 

18. Kua palabra, dirigí na e iglesia aki , ta mustra ku e binida ta serka?
Revelashon 3:11 'Mi ta bin pronto; tene firme na loke bo tin, pa ni un hende no kita bo korona.

 

19. Kiko ta e mensahe di Kristo na e ultimo iglesia?
Revelashon 3:14-19
14 "I skirbi na e angel di e iglesia di Laodisea: "E Amèn, e Testigu fiel i bèr-dadero, e Prinsipio di e kreashon di Dios, ta bisa esaki:
15 'Mi kono¬sé bo obranan, ku bo no ta ni friu ni kayente; mara bo tabata friu òf kayente.
16 Asina anto, pasobra bo ta lou, i ni kayente ni friu, lo Mi skupibo for di Mi boka. 17 Pasobra bo ta bisa: "Mi ta riku, mi ta bon pará i no tin mester di nada," i bo no sa ku bo ta deplorabel i mise¬rabel, pober, siegu i sunú.
18 Mi ta konsehábo pa bo kumpra serka Mi oro refiná den kandela, pa bo bira riku; i paña blanku, pa bo bisti i pa e bèrguensa di bo sumú no sali na kla; i unguente pa hunta bo wowonan kuné, pa bo mira.
19 'Esnan ku Mi ta stima, Mi ta reprendé i disipliná; pesei, sea fer¬viente i repenti.
Nota: Laodisea ta nifiká “e pueblo husgá òf un pueblo hustifika”.
E iglesia ta èksistí den e tempundi huisio I e proklamentu di e ultimo mensahenan ku ta antisipá e segunda binida Kristo. Esaki ta e tempu di hopi konfeshon I poko devoshon esensial.

 

20. Kua kurashamente ta wòrdu duná pa paga tinu na e mensahe aki?
Revelashon 3:20 Ata, Mi ta para na porta i ta bati; si un hende tende Mi bos i habri porta, lo Mi drenta serka djé, i lo sena kuné i é ku Mi.