6.15 Los Estados Unidos den Profesia

 

1. Ki ora e kabes Papal di e prome bestia di Revelashon 13 a wòrdu heridá?
1789

 

2. Kiko e profete a mira ta subi na momento ei?
Revelashon 13:11 I mi a mi raun otro bestia ta subi sali for di den tera; i e tabatin dos kachu manera lamchi, i e tabata papia manera dragon.
Nota: E prome bestia a Sali for di laman. Esei ta mustra ku ela Sali for di pueblonan i nashonnan ekistente di mundu. (Revelashon 17: 15)
E bestia aki a sali for di tera. Esaki mester nifika ku ela subi foi unda no tabatin pueblo, multitutnan, nashonnan i lenganan
Den 1789, ora e Papa a risibí e herida mortal, e gobierno di Los Estados Unidos di Amerika riba tera oksidental, tabata e uniko gran nashon, ku a a denta e promé plano riba teritorio ku nunka a wòrdu habitá dor di pueblonan, multitutnan i nashonnan.
Solamente nuebe aña prome ku 1789 Los Estados Unidos a aseptá nan Konstitushon national. Awe nan e poder mas grandi den mundu ku tur kaminda nan influensia ta wòrdu sintí.

 

3. Ta kiko ta e karakter di e poder nobo aki?
Revelashon 13:11 I mi a mi ra un otro bestia ta subi sali for di den tera; i e tabatin dos kachu manera lamchi, i e tabata papia manera dragon.
Nota: E karakteristikanan di e poder aki ta e gran prinsipionan Kristian di libertat civil I libertat di religion. E dos kachunan aki klaramente ta reprensentá e dos prinsipionan basiko di e gobierno di Los Estados Unidos

 

4. Kiko e poder aki lo hasi finalmente, a pesar ku e tabatin kachu manera lamchi?
Revelashon 13:11 I mi a mira un otro bestia ta subi sali for di den tera; i e tabatin dos kachu manera lamchi, i e tabata papia manera dragon.
Nota: E bos di e dragon ta bos di intoleransia I persiguishon. Esaki ta mustra ku e nashon aki lo rechasá su karakter di un lamchi I su prinsipionan di libertat civil I libertat di religion I bira un poder persiguidor.

 
5. Kuantu outoridat e bestia aki lo ehersé?
Revelashon 13:12 I e ta ehersé tur e outoridat di e promé bestia den su presensia. I e ta hasi tera, i esnan ku ta biba den djé, adorá e promé bestia, kende su herida fatal a wòrdu kurá.
Nota: E prome bestia ta ehersé outoridat riba tur ku ta diferensiá di dje den asuntunan religioso i persiguinan i mata nan. E uniko manera pa hasi henter tera adorá ta pa medio di sosiegu boluntario òf forsá. Ku mashá Probabilidat e ta bira un wardamentu di sabat boluntario òf wardamentu di diadomingo forsá. E dia di sosiegu instituí ku Dios a instituí òf e dia di sosiegu ku hende a instituí.

 

6. Ki medidanan lo wòrdu ehekutá oa forsa hendenan pa aseptá adorashon falsu?
Revelashon 13:14 I e ta gaña esnan ku ta biba riba tera pa medio di e milagernan ku a wòrdu pèrmití na djé pa hasi den presen¬sia di e bestia, bisando esnan ku ta biba riba ter a pa traha un imagen na onor di e bestia ku tabatin e herida di spada i ku a bolbe biba.
Nota: E bestia “ ku tabatin e spada i bolbe biba,” ta e Papado. E tabata e iglesia bistí ku poder civil. Ku otro palabra, e tabata un union di estado i ku iglesia i tabata hasi su doktrinanan obligatorio dor di poder mundial ku kastigu di konfiskashon di propiedat, koutiverio i morto.
E imagen di e bestia aki lo tabata un organisashon religioso bistí ku poder civil. Un otro union di iglesia i estado pa hasi doktrinanan religioso obligatorio pa medio di ley.

 

7. Kiko e poder aki lo proponé pa hende hasi?
Revelashon 13:14 I e ta gaña esnan ku ta biba riba tera pa medio di e milagernan ku a wòrdu pèrmití na djé pa hasi den presen¬sia di e bestia, bisando esnan ku ta biba riba ter a pa traha un imagen na onor di e bestia ku tabatin e herida di spada i ku a bolbe biba.

 

8. Komo e diadomingosabat tabatatin su origen den e Reino Romano (e bestia), ken hende lo duna honor, ora nan, sabiendo e realidat, skohe pa adora riba diadomingo, na luga riba e sabat di Beibel?
Romanonan 6:16 Boso no sa ku ora boso presentá boso mes na un hende pa obedes'é komo esklabu, boso ta esklabu di esun ku boso ta obedesé, sea di piká ku ta kondusí na morto, òf di obedensia ku ta kondusí na hustisia?

9. Kiko Kristo ta bisa nos tokante nos deber pa ku gobierno?
Mateo 22: 19-21
19 Mustra mi e moneda di paga belasting. I nan a trese un denario p’E.
20 I El a puntra nan; “Ta kan su imagen i inskripshon esaki ta”
21 Nan a bis’E; Di Cesar.” E ora ei El a bisa nan; :”Anto duna Cesar loke ta di Cesar, i Dios loke ta di Dios.”

 

10. Kua milager special lo wòrdu hasi pa gaña hende i tene nan gañá?
Revelashon 13:13 I e ta hasi señalnan grandi, asina ku asta e ta hasi kandela baha for di shelu bin riba tera den bista di hende.

 

11. Te ku kual haltura nan intento lo yega pa obliga hende aseptá e image di e bestia?
Revelashon 13:15 I a wòrdu pèrmití na djé pa duna rosea na e imagen di e bestia, pa e imagen di e bestia por a papia tambe, i pa hasi ku tur esnan ku no ta adorá e imagen di e bestia ta wòrdu matá.

 

12. Kua redenshon Dios lo duna Su pueblo finalmente?
Revelashon 15:2 I mi a mira loke tabata parse un laman di glas mesklá ku kandela, i esnan ku a sali viktorioso riba e bestia i riba su imagen i riba e number di su nòmber, pará riba e laman di glas, ku arpanan ku Dios a duna nan.

 

13. Kua kantika nan lo kanta?
Revelashon 15:3 I nan a kanta e kantika di Moisés, e sirbidó di Dios, i e kantika di e Lamchi, bisando: Grandi i maraviyoso Bo obranan ta, Señor Dios Todopoderoso; hustu i bèrdadero Bo kamindanan ta, Abo, Rei di e nashonnan.

 

14. Kiko tabata e kantika di Moises?
Lesa Eksodo 15
1 E ora ei Moisés i e yunan di Israel a kanta e kantika aki na Señor i a bisa: "Lo mi kanta na Señor, pasobra E ta grandemente halsá. E kabai i su koredó EI a tira den laman.
2 Señor ta mi fortalesa i mi kantika, i El a bira mi salbashon; E ta mi Dios, i lo mi alab'E, e Dios di mi tata, i lo mi glorifik' E.
3 Señor ta un guerero; Señor ta Su nòmber.