16.13 E Lucha di Satanas kontra Iglesia

 

1. Bao di kua imagen e iglesia Kristian a wòrdu presentá na Juan?
Revelashon 12:1 I un señal grandi a paresé na shelu: un muhé bistí ku solo, i ku luna bou di su pianan, i riba su kabes un korona di diesdos strea;

 

2. Kon e iglesia ta wòrdu deskribí na e prome bininda?
Revelashon 12:2 i e tabata na estado; i el a grita, siendo den doló di parto i ansha di duna lus.

 

3. Kon e nasementu, e obra i e asension di Kristo ta wòrdu deskribí den korto?
Revelashon 12:5 I el a duna lus na un yu, un yu hòmber, ku lo gober¬ná tur nashon ku bara di heru; i su yu a wòrdu kohi hibá na Dios i na Su trono.

 

4. Kua otro señal òf milager a parse den shelu?
Revelashon 12:3,4
3 I un otro señal a paresé na shelu: i mira, un dragon grandi, kòrá, ku shete kabes i dies kachu, i riba su kabesnan shete diadema.
4 I su rabu a lastra un di tres parti di e streanan di shelu bai kuné, i a tira nan riba tera. I e dragon a bai para dilanti di e muhé ku tabata serka di duna lus, pa asina ku el a duna lus, e devorá su yu.

 

5. Ta ken ta e dragon?
Revelashon 12:9 I e gran dragon a wòrdu tirá abou, e kolebra di antiguedat, kende ta wòrdu yamá dia¬bel i Satanás, kende ta gaña henter mun¬du; el a wòrdu tirá abou riba tera, i su angelnan a wòrdu tirá abou huntu kuné.

 

6. Kon e lucha entre Kristo i Satanas ta wòrdu deskribí?
Revelashon 12:7-9
7 I tabatin guera den shelu, Miguel i su angelnan tabata hasi guera kontra e dragon. I e dragon i su angelnan tabata hasi guera,
8 i nan no a prevalesé, i no tabatin lugá mas pa nan den shelu.
9 I e gran dragon a wòrdu tirá abou, e kolebra di antiguedat, kende ta wòrdu yamá dia¬bel i Satanás, kende ta gaña henter mun¬du; el a wòrdu tirá abou riba tera, i su angelnan a wòrdu tirá abou huntu kuné.

 

7. Kua gritu di triumfo a wòrdu tende den shelu ora Kristo a gana e viktoria?
Revelashon 12: 10-12
10 I mi a tende un bos duru den shelu, bisando: "Awor e salbashon i e poder i e reino di nos Dios i e outoridat di Su (Cristo) Ungí a yega, pasobra e akusadó di nos rumannan, ku ta akusá nan di dia i anochi dilanti di nos Dios, a wòrdu tirá abou.
11 I nan a vens'é pa motibu di e sanger di e Lamchi i pa motibu di e palabra di nan testimonio, i nan no a stima nan bida te na morto.
12 Pa e motibu aki, regosihá, o shelunan i boso ku ta biba den nan. Ai di tera i laman, pasobra diabel a baha bin serka boso ku gran furia, sabiendo ku ta ked'é solamente un poko tempu mas."

 

8. Di kon na mes un momentu un Ai ta wòrdu pronunsia riba tera?
Revelashon 12:12 Pa e motibu aki, regosihá, o shelunan i boso ku ta biba den nan., Ai di tera i laman, pasobra diabel a baha bin serka boso ku gran furia,

 

9. Kiko e dragon a hasi ora ela wòrdu tita riba tera?
Revelashon 12:13 I ora ku e dragon a mira ku el a wòrdu tirá abou riba tera, el a pèrsiguí e muhé ku a duna lus na e yu hòmber,

 

10. Kua periodo a wòrdu stipula pa e gran persiguisho aki di e pueblo di Dios bao di Roma papal?
Revelashon 12:14 I e dos halanan di e águila grandi a wòrdu duná na e muhé, pa e bula bai den de¬sierto na su lugá, kaminda el a wòrdu alimentá pa un tempu i tempunan i mitar di un tempu, for di presensia di e kole¬bra.

 

11. Kiko tabata e proposito di Satanas pa persigui e iglesia?
Revelashon 12:15 I for di su boka e kolebra a basha awa manera un riu tras di e muhé, pa hasi ku e diluvio ta lastr'é bai kuné.

 

12. Kon e diluvio a wòrdu pará i e plan di Satanas a wòrdu frustrá?
Revelashon 12:16 I tera a yuda e muhé, i tera a habri su boka i a bebe e riu ku e dragon a basha for di su boka.

 

13. Kiko Kristo a bisa ku e konsekuensia lo ta, den kaso e dianan di persiguishon no wòrdu kortá?
Mateo 24:22 I si e dianan ei no a wòrdu hasi mas kòrtiku, ningun bida lo no a wòrdu salba; ma pa kousa di e eligínan e dianan ei lo wòrdu hasí mas kòrtiku.

 

14. Hasiendo tur esfuerso pa prolongá e persiguishon, kon Satanas a revelá su enemistat kontra e remanente?
Revelashon 12:17 I e dragon tabata furioso riba e muhé, i a bai pa hasi guera ku e restu di su desendientenan, kendenan ta warda e mandamentunan di Dios i tin e testimo¬nio di Jesu-Cristo,