2.7 E Divinidat di Kristo

 

1. Kon e Tata a demonstrá, ku su Yu ta un di e personanan di e Diedat?
Hebreonan 1:7, 8
7 I di e angelnan E ta bisa: "Kende ta hasi Su angelnan bientu, i Su sirbidónan flam di kandela.
8 Ma di e Yu E ta bis a: "Bo trono, O Dios, ta pa semper i semper, i e sèpter di hustisia ta e sèpter di Bo reino.

2. Kua otro scritura ta siña e mesun berdat?
Juan 1:1 Na prinsipio tabata e Palabra, i e Palabra tabata ku Dios, i e Palabra tabata Dios.

 

3. Di ki manera Kristo a papia tokante karakter eterno di Su ser?
Juan 17:5 awor, glorifikáMi serka Bo mes, Tata, ku e gloria ku Mi tabatin serka Bo promé ku mundu tabata.
Mikeas 5:2 "Ma abo, Bètlehèm Efrata, muchu chikitu pa ta entre e famianan di Juda, for di bo lo sa!i Uno pa Mi pa ta Gobernante na Israel!. Su origen ta for di hopi tempu pasá, for di e dianan di etèrnidat."

4. Kon Kristo a wòrdu risibí den karni?
Lukas 1:35 I e angel a kontestá i a bis'é: "Spiritu Santu lo bin riba bo, i e poder di e HaItisimo lo sombrabo; i pa e motibu ei Esun Santu ku tin ku nase lo wòrdu yamá e Yu di Dios.

 

5. Kua skritura ta indiká ku e Yu di Dios tabata Dios den karni?
Juan 1:1, 14
1 Na prinsipio tabata e Palabra, i e Palabra tabata ku Dios, i e Palabra tabata Dios.
14 I e Palabra a bira karni i a biba meimei di nos, i nos a mira Su gloria, gloria manera di e unigénito di e Tata, yen di gras ia i bèrdat.

 

6. Kiko Kristo ta bisa tokante Su relashon ku e Tata?
Juan 10:30 Ami i e Tata ta ún."

 

7. Kon Ela wòrdu revelá riba tera komo hende?
Lukas 2:11 pasobra awe den e stat di David a nase pa boso un Salbador, Kende ta Cristo e Señor.

8. Dikon e tabata nesesario pa e nase i tuma e naturalesa di hende?
Hebreonan 2:17 Pesei E mester a wòrdu hasí igual ku Su rumannan den tur kos, pa E por a bira un sumosaserdote miserikòrdioso i fiel den kosnan ku tin di hasi ku Dios, pa hasi ekspiashon pa e pikánan di e pueblo.

 

9. Kon Ela wòrdu rekonosé dor di e Tata, mientras e tabata riba tera?
Mateo 3:17 I ata, un bos for di e shelunan, bisando: "Esaki ta Mi Yu stimá, den Kende Mi tin goso."

 

10. For di kiko ta resultá ku Kristo i Su Tata ta den mesun relashon ku e angelnan?
Mateo 16:27 Pasobra e Yu di Hende lo bin den e gloria di Su Tata, huntu ku Su angelnan; anto E lo rekompensá kada hende segun su obranan.
Mateo 13:41 E Yu di Hende lo manda Su angelnan, i nan lo rekohé for di Su reino tur piedra di trompeká, i esnan ku ta hasi inikidat,

 

11. Kon Kristo a hasi kla ku e ku Su Tata tin igual parti den e reino?
Mateo 13:41 E Yu di Hende lo manda Su angelnan, i nan lo rekohé for di Su reino tur piedra di trompeká, i esnan ku ta hasi inikidat,

 

12. Na ken e skohinan o eliginan ta pertenesé?
Lukas 18:7 awor Dios lo no hasi hustisia na Su skohínan ku ta sklama na djE di diai I anochi, I lo E tarda pa kontestá nan?
Mateo 24:31 I E lo manda Su angelnan ku un zonidu duru di tròmpèt i nan lo reuni Su eliginan for di e kuater bientunan, for di esun ekstremo di shelu te na e otro.

 

13. Ken ta tuma igual parti den determinashon di e rekompensa pa eternidat?
Hebreonan 11:6 I sin fe ta imposibel pa agrad'E, pasobra esun ku bin serka Dios mester kere ku E ta, i ku E ta Esun ku ta rekompensá esnan ku ta busk'E.
Mateo 16:27 Pasobra e Yu di Hende lo bin den e gloria di Su Tata, huntu ku Su angelnan; anto E lo rekompensá kada hende segun su obranan.

 

14. Kua plenitut ta biba den Kristo?
Kolosensenan 2:9 Pasobra den djE henter e plenitut di e Deidat ta biba korporalmente,

 

15. Kiko Dios ta deklará di Su mes?
Isaias 44:6 "Asina Señor, e Rei di Israel, i su Redentor, e Señor di ehérsitonan, ta bisa:'Ami ta e promé i Ami ta e ultimo, i no tin Dios fuera di Mi.

16. Den kua skritura Kristo ta usa e mesun ekspreshon?
Revelashon 22:12, 13
12 "Mira, Mi ta bin pronto, i Mi rekompensa ta ku Mi, pa duna kada hende segun loke el a hasi.
13 Ami ta e Alfa i e Omega, e Promé i e Ultimo, e Prinsipio i e Fin."

 

17. Komo nos tin un Salbador maravioso, kiko nos ta wòrdu atvertí pa hasi?
Hebreonan 4:14, 15
14 Komo ku nos tin anto un gran Sumosaserdote, Kende a pasa dor di e shelunan, Jesus e Yu di Dios, laga nos tene firme na nos konfeshon.
15 Pasobra nos no tin un Sumosaserdote ku no por kompadesé di nos debilidatnan, sino Un ku a wòrdu tentá den tur kos meskos ku nos, ma tòg sin piká.