18. E Reino Rekuperá

18.4  E Súpditonan di e Reino            

 

1. Na ken e nòmber Israel a wòrdu duna primeramente?
Genesis 32:28 I EI a bisa: "Bo nòmber lo no ta Jakòb mas, sino Israel;' pasobra bo a lucha ku Dios i ku hende, i bo a vense. "
Nota: Israel ta nifika prens di Dios òf un hende ku tin predominio serka Dios.

 

2. Ken tabata wòrdu yamá despues ku e titulo aki?
Eksodo 1:1-5
1 Awor esakinan ta e nòmbernan di e yunan di lsrael ku a bin Egipto huntu ku Jakòb; kada un di nan a bin ku e hendenan di su kas:
2 Ruben, Simeon, Lev! i Juda;
3 Isakar, Zabulon i Benjamin;
4 Dan i Nèftalf, Gad i Aser.
5 I e personanan ku a sali for di lomo di Jakòb tabata setenta na tur, ma Jose tabata na Egipto kaba.
Nota: Ku otro palabra, e desendientenan di Jakòb, e nietu di Abraham, tabata konosí komo e diesdos tribunan di Israel.

 

3. ki bendishon spesial a wòrdu duná na e Israelitanan?
Romanonan 9:4, 5
4 kendenan ta israelita, na kendenan ta pertenesé e adopshon komo yu i e gloria, e aliansanan i e dunamentu di Lei, e sirbishi den tèmpel i e promesanan,
5 di kendenan e tatanan ta, i for di kendenan, segun karni, e Cristo a bin, Kende ta riba tur kos, e Dios bendishoná pa semper. Amèn.

 

4.Ken tabata e berdadero Israel òf e semia di Abraham?
Romanonan 9:6–8
6 Ma no ta komo si fuera e palabra di Dios a faya. Pasobra no ta tur ku ta desendiente di Israel ta Israel,
7 ni no ta tur ta yu pasobra nan ta desendiente di Abraham, ma: "Ta dor di Isaak bo desendientenan lo wòrdu kontá.'?
8 Esta, no ta e yunan di karni ta yunan di Dios, ma ta e yunan di promesa ta wòrdu kontá komo desendiente.

 

5. Kiko Juan e boutista a bisa e Fariseonan i e Saduseanan ku tabata bini pa su boutismo?
Mateo 3:9 i no kere ku boso por bisa den boso mes: 'Nos tin Abraham komo nos tata', pasobra mi ta bisa boso ku Dios por lanta yunan pa Abraham for di e piedranan aki.

6. Kiko ta hasi un hende bira yu di Abraham?
Galationan 3:7 Pesei, sea sigur ku ta esnan ku ta di fe ta yunan di Abraham.
Nota: Pa motibu di inkredulidat hopi di e Israelitanan a muri den e desierto i no a wòrdu permití pa drenta e Kanaan primintí.
Num14:17-34; Deuteronomium 1:34-36.

 

7. Ken un hende mester pertenesé pa bira yu di Abraham?
Galationan 3:29 I si boso ta pertenesé na Cristo, e ora ei boso ta desendiente di Abraham, erederonan segun promesa.

 

8. Den kua skritura e kristiannan ta wòrdu rekonosé di ta Israel?
Galationan 6:15, 16
15 Pasobra ni sirkumsishon no ta nada, ni insirkumsishon, ma un kreashon nobo.
16 I esnan ku lo kana segun e regla aki, pas i miserikòrdia sea riba nan, i riba e Israel di Dios.

 

9. Na ken e karta di Santiago ta wòrdu dirigí?
Santiago 1:1 Santiago, un sirbidó di Dios i di Señor Jesu-Cristo, Na e diesdos tribunan ku ta plamá den stranheria,
Saludo.

 

10. Pa ken e evangelio ta un poder di Dios pa salbashon?
Romanonan 1:16 Pasobra mi no tin bèrguensa di e evangelio, pasobra esaki ta e poder di Dios pa salbashon pa tur ku ta kere, pa e hudiu promé i tambe pa e griego.

 

11. Serka ken Hesus a manda disipelnan primeramente?
Mateo 10:5, 6
5 E diesdosnan aki Jesus amanda despues ku El a duna nan instrukshon, bi-sando: "No kohe e kaminda di e paganonan i no drenta ningun stat di e samaritanonan;
6 ma mas bien, bai serka e karnénan pèrdí di e kas di Israel.

 

12. Ora e muhe Kananeo a bin serka Kristo i rogé pa kura su yumuhe, kiko Ela bisé e ora ei?
Mateo 15:24 Ma El a kontestá i a bisa: "Ta serka e karnénan pèrdi di e kas di Israel so Mi a wòrdu mandá."

13. Ora ela persistí di roga i a kai Su dilanti i a adoré, kiko Ela bisa e ora ei?
Mateo 15:26 I El a kontestá i a bis a: "No ta pas pa kohe pan di e yunan tir'é pa e kachónan."
Nota: Dor di su fe persistente e muhe aki, aunke e tabata un Kananeo, el a mustra ku e tabata un berdadero yu di Abraham?

 

14. Kiko kristo a bisa ora El a hospedá serka Zakeo?
Lukas 19:9 I Jesus a bis'é: "Awe salbashon a bin na e kas aki, pasobra e tambe ta un yu di Abraham. Lo Pasobra e Yu di Hende a bin pa buska i salba loke tabata pèrdí."

 

15. Kiko El a bisa e muhe Samaritano tokante e fuente di Salbashon?
Juan 4:22 Boso ta adorá loke boso no konosé; nos ta adorá loke nos konosé, pasobra salbashon ta bin for di e hudiunan.

 

16. Ora e Hudiunan a rechasá e predikashi di e evangelio ku Pablo a trese, Kiko e i Barnabas a bisa e ora ei?
Echonan 13:46 E ora ei Pablo i Barnabas a papia ku tur frankesa i a bisa: "Tabata nesesario pa e palabra di Dios wòrdu papiá ku boso promé; ma komo ku boso ta rechasá esaki i ta huzga boso mes indigno di bida etèrno, mira, nos ta bai serka e paganonan.
Nota: For di tur esaki a bin na kla, ku si e pueblo Hudiu no a rechasá Kristo, nan lo a mantené nan preferensia komo yunan di Dios i komo esnan ku mester a trese e lus di Dios na e mundu. Dor di nan rechaso nan a wòrdu rechasá komo pueblo di Dios; i otro a okupa nan luga i awor ta karga e nòmber Israel huntu ku esnan ku primeramente tabata wòrdu yamá ku e nòmber ei.

 

17. Bou di kua imagen e kerientenan for di e paganonan, ku a bira parti di e Israel di Dios, ta wòrdu presentá?
Romanonan 11:17,18
17 Ma si al gun di e ramanan a wòrdu kibrá kitá afó, i abo, siendo palu di oleifi shimaron, a wòrdu geènter meimei di nan i a bira partisipante huntu ku nan di e rais nutritivo di e palu di oleifi,
18 no sea arogante pa ku e rumanan; ma si bo ta arogante, kòrda ku no ta abo ta esun ku ta sostené e rais, ma ku ta e rais ta sostenébo.

18. Pa paganonan ku a wòrdu geènter no bira arogante pa bisa ku e Hudiunan a wòrdu kitá pa nan por drenta, ki spiertamentu a wòrdu duná na nan?
Romanonan 11:20,21
20 Eksaktamente! N an a wördu kibrá kitá afó pa kousa di nan inkredulidat, i bo ta para dor di bo fe. No sea sobèrbè, ma teme;
21 pasobra si Dios no a spar e ramanan natural, E lo no spar abo tampoko.

 

19. Ki palabra di animashon a wòrdu duná na e takinan ku a wòrdu kitá?
Romanonan 11:23 I nan tambe, si nan no permanesé den nan inkredulidat, nan lo wordu geènter atrobe; pasobra Dios tin poder pa bolbe ènter nan.

 

20. Kiko lo bira e resultado final di e evangelio?
Romanonan 11:26 i asina henter lsrael lo ta salbá; manera ta pará skirbí: "E Libertador lo bin for di Sion; E lo kita impiedat for di Jakob."

 

21. Den ki situashon e paganunan tabata, prome ku nan a bira Israelita?
Efesionan 2:11,12
11 Pesei, kòrda ku antes boso, e paganonan den karni, kendenan ta wòrdu yamá "Insirkumsishon" dor di esnan yamá "Sirkumsishon", lokual ta wòrdu hasi den karn i dor di man di hende-
12 kòrda ku den e tempu ei boso tabata separá di Cristo, ekskluí for di e siudadania di Israel i stranhero pa ku e aliansanan di promesa, sin speransa i sin Dios den mundu.

 

22. Kon e pueblo restante di Dios ta wòrdu deskribí?
Revelashon 14:12 At'aki e pèrseveransia di e santunan ku ta warda e mandamentunan di Dios i nan fe den Jesus.

 

23. Nòmbernan di ken ta para riba e fundeshinan di e stat santu?
Revelashon 21:14 I muraya di e stat tabatin diesdos piedra di fundeshi, i riba nan tabatin e diesdos nòmbeman di e diesdos apòstelnan di e Lamchi.

24. Nòmbernan di ken ta para riba e diesdos portanan di e stat?
Revelashon 21:12 E tabatin un muraya grandi i haltu, ku diesdos porta, i na e portanan diesdos angel; i tabatin nòmbernan skirbi riba e portanan, kualnan ta e nòmbernan di e diesdos tribunan di e yu hòmbernan di Israel.

 

25. Ken lo kana den e lus di e stat?
Revelashon 21:24 I e nashonnan lo kana den su lus, i e reinan di tera lo trese nan gloria den djé.