16. E Hogar

16.5  Edukashon di Yuinan              

 

1. Kon mayornan tin ku eduká nan yunan?
Proverbionan 22:6 Instruí un mucha den e kaminda ku e mester kana, i asta ora ku e bira bieu e lo no apartá su mes for di djé.
Efesionan 6:4 I boso, tatanan, no proboká boso yunan na rabia, ma lanta nan den e disiplina i instrukshon di Señor.

 

2. Kon deligente mayornan tin ku siña nan yunan e palabra di Dios?
Deuteronomio 6:6, 7
6 E palabranan aki, ku mi ta ordenábo awe, mester ta riba bo kurason.
7 Siña nan ku tur diligensia na bo yunan, i papia di nan ora bo ta sinta den bo kas, ora bo ta kana riba kaminda, ora bo ta bai drumi i ora bo ta lanta.
Deuteronomio 11:19 Siña boso yunan e palabranan aki. i papia di nan ora bo ta sinta den bo kas, ora bo ta kana riba kaminda, ora bo ta bai drum i i ora bo ta lanta.

 

3. Ki ideal haltu mester tene komo ehempel dilanti e hobennan?
1 Timoteo 4:12 No laga ningun hende menospresiá bo hubentut, ma mas bien den palabra, kondukta, amor, fe i puresa, demostrá bo mes di ta un ehèmpel pa esnan ku ta kere.

 

4. Ki deber Dios ta eksiguí di e yunan?
Eksodo 20:12 "Onra bo tata i bo mama, pa bo dianan wòrdu prolongá den e tera ku Señor bo Dios ta dunabo.
á

 

5. Kiko lo ta e piká remarkabel di e ultimo dianan?
2 Timoteo 3:2 Pasobra hende lo ta stimadó di nan mes, stimadó di plaka, gabadó, arogante, blasfemadó, desobedesido na mayornan, ingrato, impio,

 

6. Di kon Dios a kastigá Eli, e sumasasordote?
1 Samuel 3:12,13
12 Riba e dia ei lo Mi kumpli kontra Eli tur loke Mi a papia tokante di su kas, for di kuminsamentu te na fin.
13 Pasobra Mi a bis'é ku Mi ta bai huzga su kas pa semper, pa e inikidat ku e tabata sa di djé, pasobra su yu hòmbeman a trese un maldishon riba nan mes i e no a reprendé nan.

 

7. Kon hobennan mester siña, kon pa trata e ansianonan?
Levitiko 19:32 'Lanta para pa esun ku tin kabei blanku, onra e ansiano i teme bo Dios; Ami ta Señor.

 

8. Kiko ta algun di frutanan di bon edukashon di un mucha?
Proverbionan 29:17 Koregí bo yu, i e lo dunabo trankilidat; si, e lo hasi bo alma kontentu.

 

9. Kiko ta e konsekuensia, ora no ta wòrdu kasigá?
Proverbionan 29:15 Bara i reprendementu ta duna sabiduria, ma un yu lagá pa su kuenta ta pone su mama na bèrguensa.
Proverbionan 22:15 Lokura ta mará den kurason di un mucha; bara di korekshon lo alehá esaki for di djé.

 

10. Tin peliger ora kastigu ta wòrdu posponé?
Proverbionan 19:18 DisipIiná bo yu mientras ku tin speransa ainda, i no deseá su morto.
Proverbionan 23:13, 14
13 No keda sin duna un mucha disiplina; maske bo sut'é ku bara, e lo no muri.
14 Sut'é ku bara, i libra su alma for di Seol.

 

11. Kastigu apropiá ta un prueba di falta di amor pa parti di mayornan?
Proverbionan 13:24 Esun ku laga di uza bara ta odia su yu, ma esun ku ta stim'é ta disiplin'é for di tempran.
Nota: Un mama kristian ta skibi den sigiente manera tokante e importansia di edukashon di un mucha: Muchanan ku nan ta laga krese bira hòmber i muhe ku un kier sin frena, i ku pashonnan ku nan no por tene bou di kontrol, normalmente den nan bida futuro lo hiba un bida ku Dios kondená. Falta di disipliná e muchanan adekuadamente, a bira den hopi hogaran un fuente di maldat. E hobennan no a wòrdu frená manera mester a wòrdu hasí.
E mayornan a laga di hasi loke e palabra di Dios ta bisa tokante e asuntu aki i e muchanan a tuma e maneho den nan mes man.
E konsekuensia ta nan a jega di kontrol e mayornan na luga di para bou di nan outoridat.
Ideanan falsu i amor mal apliká a laga nan desaroyá karakternan ku a hasi nan desagradabel i enfelis i hasi e bida di e mayornan amargá i nan influensia perhudisial a kubri generashon pa generashon. Kada mucha ku ta wòrdu permitá pa sigui su mes kaminda, lo deshonrá Dios i bèrgonsá su mama i tata.

12. Ken Señor ta disipliná?
Hebreonan 12:6 pasobra esnan ku Señor ta stima, E ta disipliná, i E ta suta tur yu ku E ta risibí.

13. Kontra kua maldat tatanan ta wòrdu spièrta?
Kolosensenan 3:21 Tatanan, no proboká boso yunan, pa nan no pèrdè ánimo.
Nota: Nunka mester duna kastigu ku rabia, pasobra rabia di tata òf mama ta kousa rabia den e yu.
E ta bon pa resa ku e yu prome ku kastig’e, i hopi biaha bon instrukshon, spiertamentu i orashon ta tur ku tin mester.
Esei ta e efektivamente e mehor disiplina ku por wòrdu duná.
Pero den sierto kaso di prufia, kabesura i desobedensia propio, e kasigu, òf kiko esei por ta, mester wòrdu implementá, te aro e mucha ta bùig boluntariamente pa e boluntat i deseo di e tata òf mama.
Normalmente e ta mehor pa kastigá den privá pa asina warda e respet propio di e mucha, kual ta un elemento importante pa forma nan karakter. Ningun kastigu mester ta kruel òf insulto òf pa kibra e boluntat di e mucha; Mas bien pa guia e boluntat, i siñ’e sumiti, i bira konsiente di loke ta bon i loke ta su deber.

14. Kon e resultado di kastigu presente i e konsekuensianan den futuro, ta wòrdu kompará?
Hebreonan 12:11 Na e momento mes ningun disiplina no ta parse di ta kousa di goso, sino di doló; ma pa esnan ku a wòrdu entrená dor di djé, despues e ta duna e fruta pasífiko di hustisia.

 

15. Kua pregunta tur mayornan infiel mester kontestá?
Jeremias 13:20 "Hisa boso kara i wak esnan ku ta bin for di nòrt, Unda e tou ta ku a wòrdu duná na bo, bo karnénan bunita?
Nota: Felis ta e mayornan ku por bisa: “Mira, ami i e yunan ku Señor a dunami.”
Lesa Isaias 8:18 Mira, ami i e yunan ku Señor a dunami ta pa señalnan i maraviyanan den Israel di parti di e Señor di ehérsitonan, Kende ta biba riba Seru Sion.