16. E Hogar

16.4  Honor debé na Mayornan             

 

1. Na kiko kada mucha ta wòrdu konosí?
Proverbionan 20:11 Te asta un mucha ta konosi pa su echonan, si su kondukta ta puru i rekto.

 

2. Kiko ta deber di kada mucha?
Proverbionan 1:8 Mi yu," tende e instrukshon di bo tata, i no bandoná e siñansa di bo mama;
Nota: Mientras ku e instrukshon aki ta referí na e mayornan terenal e ta inkluí Dios, nos Tata den shelu, tambe; Pasobra dor di onra nan, nan ta honra E. Pa e yu, ku ta muchu yòn pa konose Dios, e tata òf mama ta okupá e luga di Dios.
Siña honra, respetá i obedesé nan mayornan terenal, ta e prome i mas importane lés pa e mucha siña pa honrá, respetá i obedesé su Tata selestial.
Benjamin Franklin a bisa ku frankesa: “ Laga e prome lés di un mucha ta obedensia i e di dos ta, loke Bo ke.”

 

3. Kiko e di sinku mandamente ta demandé?
Eksodo 20:12 "Onra bo tata i bo mama, pa bo dianan wòrdu prolongá den e tera ku Señor bo Dios ta dunabo.
Nota: Tanten ku e mayornan ta biba, nan mester wòrdu honrá dor di e yunan. E obligashon, ku e di sinku mandamentu ta eksiguí, no ta kaba ku mayoria di edat i tampoko ora e yu ta bandoná e kas di mayornan.

 

4. Kuantu tempu tin ku honrá nos mayornan?
Proverbionan 23:22 Skucha na bo tata ku a engendrábo, i no despresiá bo mama ora ku e bira bieu.

 

5. Kiko ta e karakter di un mucha ku no ku no ke aseptá e disiplina di su tata?
Proverbionan 15:5 Un bobo ta despresiá disiplina di su tata, ma esun ku aseptá reprendementu ta prudente.

 

6. Kua manera di aktua, na parti di muchanan, ta agradabel na Señor?
Kolosensenan 3:20 Yunan, sea obedesido na boso mayornan den tur kos, pasobra esaki ta agradabel na Señor.

7. Den ki spiritu muchanan mester obedesé nan mayornan?
Efesionan 6:1 Yunan, obedesé boso mayornan den Señor , pasobra esaki ta hustu.

8. Na ki manera muchanan por desonrá nan mayornan?
Proverbionan 28:7 Esun ku warda lei ta un yu prudente, ma esun ku ta kompañero di hende golos ta pone su tata na bèrguensa.

 

9. Kiko ta wòrdu bisá di un hende ku ta hòrta nan mayornan?
Proverbionan 28:24 Esun ku hòrta su tata òf su mama, i ta bisa: "Esei no ta transgreshon, " ta kompañero di un hende ku ta destruí.

 

10. Kon Hesus a honrá su mayornan?
Lukas 2:51 I El a bai ku nan i a yega Nazarèt; i El a keda sometí na nan; i Su mama tabata warda tur e palabranan aki den su kurason.

11. Kon e lidernan Hudiu, den tempu di Kristo, a hasi e di sinku mandamentu inefektivo, pa kousa di nan tradishon?
Mateo 15:5, 6
5 Ma boso ta bisa: 'Ken ku bisa su tata Of su mama: "Tur loke mi tin, ku mi por a yuda boso kuné, a wòrdu duná na Dios,"
6 no tin mester di onra su tata Of su mama.' I asina boso a hasi e palabra di Dios bira inefektivo pa kousa di boso tradishon.

 

12. Ku ki otro manera algun ta desonrá nan mama i nan tata?
Proverbionan 30:11 Tin un generashon ku ta maldishoná su tata, i no ta bendishoná su mama.

 

13. Kiko ta e destino di esnan ku ta maldishoná nan mama òf tata?
Proverbionan 20:20 Esun ku maldishoná su tata òf su mama, su lampi lo wòrdu pagá den tempu di skuridat profundo.
Proverbionan 30:17 E wowo ku ta hasi bofon di un tata, i ta despresiá obedensia na un mama, e rafnan di vaye lo pik é sak'é afó, i e águilanan chikitu lo kom'é.

14. Kiko lo ta e rekompensa di esnan ku ta honra nan mayornan?
Eksodo 20:12 "Onra bo tata i bo mama, pa bo dianan wòrdu prolongá den e tera ku Señor bo Dios ta dunabo.

 

15. Ki remarke apostel Pablo a hasi tokante e mandamenu aki?
Efesionan 6:1-2
1 Yunan, obedesé boso mayornan den Señor , pasobra esaki ta hustu.
2 Onra bo tata i bo mama (ku ta e promé mandamentu ku un promesa),

16. Den kua siglo den historia di munda desobedensia na mayornan ta wòrdu revelá partikularmente?
2 Timoteo 3:1, 2
1 Ma sabi esaki, ku den e ultimo dianan tempunan trabahoso lo bin.
2 Pasobra hende lo ta stimadó di nan mes, stimadó di plaka, gabadó, arogante, blasfemadó, desobedesido na mayornan, ingrato, impio,