11. E Bida solamente den Kristo
11.6 E destino di e Violador
1. Ki pregunta Pedro ta hasi tokante e malbadonan?
1 Pedro 4:17 Pasobra ta tempu pa huisio kuminsá ku e hendenan di e kas di Dios; i si e kuminsá ku nos promé, kiko lo ta e resultado pa esnan ku no ta obedesé e evangelio di Dios?
2. Kiko ta e pago di pika, segun Beibel?
Romanonan 6:23 Pasobra e pago di piká ta morto, ma e don di grasia di Dios ta bida etèrno den Cristo Jesus, nos Señor.
Ezekiel 18:4 Mira, tur alma ta di Mi; tantu alma di e tata komo alma di e yu ta di Mi. E alma ku peka lo muri
3. Kiko lo ta e karakter di e morto aki?
2 Tesalonisensenan 1:9 esakinan lo paga e kastigu di pèrdishon etèrno, leu for di e presensia di Señor i di e gloria di Su poder,
4. Kon kompleto e destrukshon di e malbadonan lo ta?
Mateo 10:28 I no tene miedu di esnan ku ta mata e kurpa, ma ku no par mata e alma; ma mas bien tene miedu di Esun ku por destrui tantu alma komo kurpa den fièrnu.
5. Kiko, segun Kristo, lo ta e destino di esnan ku no ta kombertí?
Lukas 13:3 Mi ta bisa boso, nö, ma si boso no repentí, boso tur lo peresé meskos.
6. Kon e malbadonan lo peresé, segun apostel Pedro?
2 Pedro 2:12 Ma esakinan, manera bestia ku no por rasoná, nasi komo kria-turanan ku instinto pa wòrdu kapturá i matá, papiando malu di kosnan ku nan no tin konosementu di djé, lo wòrdu destruí tambe den e destrukshon di e kriaturanan ei.
7. Ku kiko e malbadonan ku e kasigu ku nan ta risibí, ta wòrdu kompará,?
Salmonan 37:20 Ma e malbado lo peresé, i e enemigunan di Señor lo ta manera flor di sabana: nan ta disparsé manera huma nan ta disparsé.
8. Kon Juan boutista ta deskribí e destrukshon di e inkredulonan?
Mateo 3:11,12
11 "Pa loke t'ami, ami ta batisá boso ku awa pa repentimentu, ma Esun ku ta bin despues di mi ta mas poderoso ku mi, i ami no ta digno pa kita Su sandalia; E lo batisá boso ku Spiritu Santu i kandela.
12 I Su forki-pa-bienta ta den Su man, i E lo hasi Su plenchi-di-bati-mainshi limpi-limpi; i E lo rekohé Su trigo pone den mangasina, ma E lo kima ebagas ku kandela ku no ta paga nunka. "
9. Pa ken e kandela, ku finalmente lo dirtí e malbadonan, ta destiná?
Mateo 25:41 "E ora ei E lo bisa tambe na esnan ku ta na Su man robes: 'Apartá boso for di Mi, boso maldishonánan, bai den e kandela etèrno ku a wòrdu prepará pa diabel i su angelnan;
10. Kiko lo ta e konsekuensia di e kastigu aki?
Proverbionan 10:25 ora warwarú pasa, e malbado no t'ei mas, ma e hustu tin un fundeshi etèrno.
11. Tin algun parti di e malbadonan ku lo sobra?
Malakias 4:1 "Pasobra mira, e dia ta bin; e lo kima manera fòrnu; i tur e hendenan arogante i kada hasidó di maldat lo ta bagas; i e dia ku ta bin lo sende nan na kandela," e Señor di ehérsitonan ta bisa, "asina ku ni nan rais ni nan rama lo no keda.
12. Kiko lo ta e situashon di e malbadonan?
Abdias 1:16 Pasobra meskos ku bo a bebe riba Mi seru santu, tur e nashonnan lo bebe kontinuamente. Nan lo bebe i guli, i bira komo si fuera nunka nan a eksistí.
13. Unda e luga di e malbadonann lo ta e ora ei?
Salmonan 37:10 Pasobra aki poko tempu e malbado lo no t'ei mas; maske kuantu bo buska su lugá, e lo no t'ei.
14. Unda e hustunan i malbadonan lo risibí na rekompensa?
Proverbionan 11:31 Si e hustu wòrdu rekompensá riba tera, kuantu mas e malbado i e pekadó!
15. E malbadonan ta risibí na kastigu mes ora despues di morto òf nan ta warda te e dia di huisio?
2 Pedro 2:9 anto Señor sa tambe kon pa reskatá e santunan for di tentashon, i kon pa tene e inhustunan bou di kastigu pa e dia di huisio,
16. Pa kiko e shelunan i tera ta wòrdu reservá?
2 Pedro 3:7 Ma e shelunan i e tera aktual pa medio di Su palabra ta wòrdu reservá pa kandela, wardá pa e dia di huisio i destrukshon di hendenan impio.
17. Kiko lo ta e resultado di e kandela di e ultimo dia?
2 Pedro 3:10-12
10 Ma e dia di Señor lo bin manera un ladron, den kual e shelunan lo pas a bai ku un boroto inmenso, i e elementonan lo wòrdu des trui ku un kalor intenso, i e tera i su obranan lo wòrdu kimá kompletamente.
11 Komo ku tur e kosnan aki lo wòrdu destrui di e manera aki, ki sorto di hende boso mester ta den un kondukta santu i deboto,
12 sperando i purando e binida di e dia di Dios, pa kual motibu e shelunan lo wòrdu destruí dor di kimamentu, i e elementonan lo dirti di kalor intenso!
18. Di ki manera, Kristo ta bisa, ku Su reino lo wòrdu limpiá di piká i pekador?
Mateo 13:41,42
41 E Yu di Hende lo manda Su angelnan, i nan lo rekohé for di Su reino tur piedra di trompeká, i esnan ku ta hasi inikidat,
42 i lo tira nan den e fornu di kandela; den e lugá ei lo tin yoramentu i mordementu riba djente.
19. Ki ora e mortonan malbado lo wòrdu resusitá pa risibí nan ultimo kastigu?
Revelashon 20:5 E restu di e mortonan no a bolbe biba te ora ku e mil añanan a keda kumpli,
20. Foi unda e kandela lo bini ku lo devorá nan?
Revelashon 20:9 I nan a subi bin riba henter e hanchura di tera i a rondoná e kampamentu di e santunan i e stat stimá; i kandela a baha for di shelu i a devorá nan.
21. Kiko e kandela aki lo hasi ku e malbadonan?
Malakias 4:3 I boso lo trapa riba e malbadonan, pasobra nan lo ta shinishi bou di boso plant'i pia riba e dia ku Mi ta prepará," e Señor di ehérsitonan ta bisa.
22. Kon e destrukshon final di e malbadonan ta wòrdu yamá?
Revelashon 20:14 I morto i Hades a wòrdu tirá den e lago di kandela. Esaki ta e di dos morto, e lago di kandela. I si un hende su nòmber no a wòrdu hañá skirbî den e buk i di bida, el a wòrdu tirá den e lago di kandela.
23. Kiko lo paresé despues di e dia di e kimamentu mundial?
2 Pedro 3:13 Ma segun Su promesa nos ta sperando shelunan nobo i un tera nobo, den kual ta biba hustisia.
24. Unda e hustunan lo wòrdu hañá e ora ei?
Mateo 13:43 E ora ei e hustunan lo briya manera solo den e reino di nan Tata. Esun ku tin orea, lagu'é tende.
25. Ki promesa di e Salbador lo wòrdu kumplí?
Mateo 5:5 Bendishoná ta esnan umilde, pasobra nan lo eredá e tera.
Salmonan 37:11, 29
11 Ma e umildenan lo eredá e tera, i lo deleitá nan mes den pas abundante.
29 E hustunan lo eredá e tera, i lo biba den djé pa semper.
Daniel 7:18 Ma e santunan di e Haltísimo lo risibí e reino i poseé e reino pa semper, pa tur siglo ku ta bin.'
Lesa Isaias 65:17-25
26. Ki kantika di alabansa lo wòrdu kantá tur kaminda?
Revelashon 5:13 I tur kos kreá ku tin den shelu i riba tera i bou di tera i riba laman, i tur kos ku tin den nan, mi a tende ta bisa: "Na Esun ku ta sinta riba trono, i na e Lamchi, sea bendishon i onor i gloria i dominio pa semper i semper."