10. Libertat Kristian X

10.2  E outoridatnan ku ta eksistí 

 

1. Ken mester someté na outoridatnan di gobierno?
Romanonan 13:1 Laga tur hende someté nan mes na íe outoridatnan ku ta goberá. Pasobra no tin outoridat ku no ta di Dios, i esnan ku ta ҉eksistí, ta Dios a stablesé nan.

 

2. Dor di ken outoridatnan a wòrdu stablesé?
Romanonan 13:1 Laga tur hende someté nan mes na e outoridatnan ku ta goberná. Pasobra no tin outoridat ku no ta di Dios, i esnan ku ta eksistí, ta Dios a stablesé nan.

 

3. Ken nos ta oponé ora nos resití autoridatnan civil?
Romanonan 13:2 Pesei, esun ku resistí outoridat a oponé e ordenansa di Dios; i esnan ku oponé lo risibí kondenashon riba nan mes.

 

4. Kiko Skritura ta denotá komo e ambiente apropiá i trabao legal di autoridat gobierno?
Romanonan 13:3, 4
3 Pasobra gobemantenan no ta un kousa di temor pa esnan ku ta hasi bon, sino pa esnan ku ta hasi malu. Bo kier ta sin temor pa outoridat? Hasi loke ta bon, i lo bo risibi elogio for di djé;
4 pasobra e ta un sirbidó di Dios pa bo, pa bon. Ma si bo hasi loke ta malu, tene miedu; pasobra e no ta karga spada pòrnada; pasobra e ta un sirbidó di Dios, un vengadó ku ta trese furia riba esun ku ta praktiká maldat.

 

5. Pa ken lei a wòrdu trahá?
1 Timoteo 1:9 siendo konsiente di e echo ku lei no ta trahá pa hende hustu, ma pa esnan ku ta sin lei i ku ta rebelde, pa e impionan i pekadónan, pa esnan impuru i profano, pa esnan ku ta mata nan tata i mama, pa matadónan

 

6. Kon e kristiannan to wòrdu atvertí pa respetá outoridat civil?
Tito 3: 1 Rekòrdá nan pa ta sumiso na gobernantenan i na outoridatnan, pa ta obedesido, i dispuesto pa hasi tur bon obra,
1 Pedro 2:13-17
13 Someté boso mes pa kousa di Señor na tur institushon humano, sea na un rei komo esun den outoridat,
14 Ofna gobernadónan komo esnan ku rei ta manda pa kastigá malechornan i pa elogiá esnan ku ta hasi bon.
15 Pasobra asina ta e boluntat di Dios, ku dor di hasi bon boso por silensiá e ignoransia di hende bobo.
16 Aktua komo hende liber, i no uza boso libertat komo un kapa pa maldat, ma uz'é komo esklabunan di Dios.
17 0ma tur hende; stima e rumannan, teme Dios, onra rei.
Romanonan 13:6, 7
6 Pasobra pa e motibu aki boso ta paga belasting tambe, pasobra gobemantenan ta sirbidó di Dios, kendenan ta dediká nan mes spesifikamente na e sirbishi aki.
7 Duna tur hende loke boso debe nan: si boso ta debe belasting, paga belasting; si ta tributo, tributo; si ta rèspèt, rèspèt; si ta onor, onor.

 

7. Ku kua palabranan Hesus ta mustra ku tin un otro outoridat pafo di Cesar òf outoridatnan ku ta goberná?
Mateo 22:21 Nan a bis'E: "Di Cesar." E ora ei El a bisa nan: "Anto duna Cesar loke ta di Cesar, i Dios loke ta di Dios."

 

8. Ken solamente, segun Hesus, mester wòrdu adorá?
Mateo 4:10 E ora ei Jesus a kontest'é: "Bai for di akinan, Satanás! Pasobra ta pará skirbi: 'Adorá SEÑOR bo Dios, i sirbi E so.

 

9. Kua mandato Rey Nabukodonosor a duna tokante adorashon?
Daniel 3:4-6
4 E ora ei e anunsiadó a proklamá na bos haltu: "Na boso e òrdu ta duná, o pueblonan, nashonnan i hende di tur idioma,
5 ku na e momento ku boso tende e zonidu di kachu, flùit, tamburein, arpa, salterio, doedelzak i tur sorto di muzik, boso mester tira boso kurpa abou i adorá e imagen di oro ku rei Nabukodonosor a lanta.
6 Ma esun ku no tira su kurpa abou i adorá lo wòrdu tirá mesora den un fòrnu di kandela kayente-kayente."

 

10. Kua kontesta e tres presonan Hebreo, Sadrach, Mesach i Abed-nego a duna, ora rey a puntra dikon na no a baha i adora e imagen di oro manera ela ordená?
Daniel 3:16-18
16 Sadrak, Mesak i Abed-nego a kontestá i a bisa rei: "0 Nabukodonosor, nos no tin mester di dunabo kontesta riba e asunto aki.
17 Ma si t'asina, nos Dios, Kende nos ta sirbi, por libra nos for di e fòrnu di kandela kayente-kayente, i E lo libra nos for di bo man, rei.
18 Ma asta si E no hasi esei, sea sigur, 0 rei, ku nos no ta bai sirbi bo diosnan, ni adorá e imagen di oro ku bo a lanta."

 

11. Kiko rey Nabukodonosor a hasi e ora ei?
Daniel 3:19,20
19 E ora ei Nabukodonosor a yena ku furia, i e ekspreshon di su kara a kambia pa ku Sadrak, Mesak i Abednego. El a kontestá dor di duna òrdu pa hasi e fòmu shete biaha mas kayente ku kustumber.
20 I el a ordená guereronan balente di su ehérsito pa mara Sadrak, Mesak i Abednego, i tira nan den e fòrnu di kandela.

 

12. Kiko Nabukodonosor a bisa despues di e librashon milagroso?
Daniel 3:28 Nabukodonosor a kontestá i a bisa: "Bendisboná sea e Dios di Sadrak, Mesak i Abednego, Kende a manda Su angel i a libra Su sirbidónan ku a pone nan konfiansa den djE, desobedesiendo e òrdu di rei, i ku a entregá nan kurpa pa no sirbi ni adorá ningun dios sino nan mes Dios so.

 

13. Na ki manera e gobernadónan i e deputadonan a pensa ku nan por kousa e kaida di Daniel bou di reino di rey Darius?
Daniël 6:6, 7
6 E ora ei e gobernadónan i e sátrapanan aki a bin huntu serka rei i a bis'é asin'aki: "Rei Dario, biba pa semper!
7 Tur e gobernadónan di e reino, e diputadonan i e sátrapanan, e konseheronan i e gobernantenan a konsultá huntu, ku rei mester stablesé un statuto i proklamá un dekreto firme, ku esun ku durante di trinta dia hasi un petishon na kualke dios óf hende fuera di bo, O rei, lo wòrdu tirá den kueba di leon.

 

14. Kua ley nan a laga rei firma i seyá pa alkansa nan proposito?
Daniel 6:8 Awor, O rei, proklamá e dekreto i firma e dokumento pa e no por wòrdu kambiá, konforme e lei di e medonan i personan, ku no por wòrdu revoká."

 

15. Kon Daniel a konsidrá e mandato aki?
Daniel 6:11 E ora ei e hòmbernan aki a bin huntu i a haña Daniel ta hasi petishon i súplika dilanti di su Dios.

 

16. Kiko nan a hasi porfin ku Daniel?
Daniel 6:16, 17
16 E ora ei rei a duna órdu, i nan a trese Daniel i a tir'é den kueba di leon. I rei a bisa Daniel: "Bo Dios ku bo ta sirbi konstantemente, E mes lo librabo."
17 I nan a trese un piedra i a tapa boka di e kueba; i rei a sey'é ku su mes renchi di -seyo i ku e renchinan di seyo di su nobelnan, pa ningun kambio no wòrdu hasi relashoná ku Daniel su situashon.

 

17. Kiko Darius a bisa su manese na Daniel, ora e la Sali bibu for di e kueba di leonnan?
Daniel 6:19, 20
19 Anto rei a lanta mainta tempran, ora dia tabata habri, i a bai purá na e kueba di leon.
20 I ora ku el a yega serka Daniel na e kueba, el a grita ku bos tristu. I rei a bisa Daniel: "Daniel, sirbidó di e Dios bibu, bo Dios, Kende bo ta sirbi perseverante lo por a librabo di e leonnan?"

 

18. Kiko tabata e kontesta di Daniel?
Daniel 6:21 – 23
21 E ora ei Daniel a bisa rei: "0 rei, biba pa semper!
22 Mi Dios a manda Su angel i a sera boka di e leonnan, i nan no a hasimi daño, pasobra mi a wòrdu hañá inosente Su dilanti; i tambe kontra bo, o rei, mi no a kometé ningun krimen. "
23 E ora ei rei a keda masha kontentu i a duna òrdu pa saka Daniel for di e kueba. Asina nan a saka Daniel for di e kueba, i ningun daño no a wòrdu hañá na su kurpa, pasobra el a konfia den su Dios.

 

19. Kua mandato Hesus a duna, prome ku e la bandoná su disipelnan?
Marko 16:15 I El a bisa nan: "Bai den henter mundu i prediká e evangelio na tur kriatura.

 

20. Kua mandato kontrario e Sanhedrin Hudiu a duna djis despues?
Echonan 4:18 I ora nan amanda yama nan, nan a ordená nan pa di ningun manera no papia ni siña den e nòmber di Jesus.

 

21. Kua kontesta Pedro i Juan a duna?
Echonan 4:19,20
19 Ma Pedro i Juan a kontestá i a bisa nan: "Boso huzga si ta korekto den bista di Dios pa skucha na boso mas ku na Dios;
20 pasobra nos no por laga di papia loke nos a mira i tende."

 

22. Kiko e sumasaserdotanan i saduseonan a hasi ku e disipelnan ora nan a sigui prediká tokante Hesus?
Echonan 5:17,18
17 Ma e sumosaserdote a lanta para, huntu ku tur esnan ku tabata serka djé (esta, e sekta di e saduseonan), i nan tabata yen di envidia;
18 i nan a tira man riba e apòstelnan i a sera nan den un prizon pübliko.

 

23. Kiko un angel di Dios a hasi e ora ei?
Echonan 5:19,20
19 Ma den anochi un angel di Señor a habri e portanan di prizon i a hiba nan pafó i a bisa:
20 "Boso bai para den tèmpel i papia ku e pueblo tur e palabranan di e Bida aki."

24. Despues ku e disipelnan a bolbe wòrdu yama dilanti di e koseho Hudiu, kua pregunta e sumasaserdote a hasi na nan?
Echonan 5:28 bisando: "Nos a taha boso striktamente pa no sigui siña den e nòmber aki, i mira, boso a yena Jerusalèm ku boso siñansa, i boso tin intenshon di trese sanger di e hòmber aki riba nos."

25. Kiko tabata e kontesta di e apostelnan?
Echonan 5:29 Ma Pedro i e apòstelnan a kontestá i a bisa: "Nos mester obedesé Dios mas ku hende.

 

26. ken ta para mas haltu riba e gobiernonan terenal?
Eklesiastes 5:8 Si bo mira opreshon di pobernan i pèrvèrshon di hustisia i rektitut den un provinsia, no laga loke bo mira strañabo; pasobra un ofisial ta vigilá otro ofisial, i tin ofisialnan mas haltu riba nan.