10. Libertat Kristian X

10.1  E Realisadò di Libertat 

 

1. Kon e sirbishi di Irael den Egypto ta wòrdu deskribí?
Eksodo 2:23 Awor a sosodé ku den kurso di e temporada largu ei rei di Egipto a muri. I e yunan di Israel tabata suspirá den nan mes pa motibu di sklabitut, i nan tabata sklama; i nan sklamashon pa yudansa pa motibu di sklabitut a subi yega serka Dios.
Santiago 5:1-4
1 Awor skucha, boso rikunan, yora i lamentá pa boso kalamidatnan ku ta biniendo riba boso.
2 Boso rikesa a putri i mòt a kome boso pañanan.
3 Boso oro i boso plata a frustia, i nan frustu lo ta un testimonio kontra boso i lo kaba ku boso karni meskos ku kandela. Ta den e ultimo dianan boso a akumulá boso tesoro!
4 At'e pago ku boso a keda sin paga e trahadónan ku a kòrta yerba den boso kunukunan ta sklama kontra boso; i e yoramentu di esnan ku a kosechá a yega na orea di e Señor di Sabaot.
5 Boso a hiba un bida di luho riba tera i a entregá boso mes na plaser; boso a gòrda boso kurason den un dia di matansa.

2. Ken a tende e sklamor?
Eksodo 2:24 Asina Dios a tende nan kehamentu, i Dios a kòrda riba Su aliansa ku Abraham, lsaak i Jakòb.

 

3. Kiko Dios a bisa na Moises?
Eksodo 3:9,10
9 I awor, ata e sklamashon di e yunan di Israel a yega na Mi; i tambe Mi a mira e opreshon ku e egipsionan ta oprimí nan kuné.
10 “Pesei, bin awor i lo Mi mandabo serka Farao pa bo saka Mi pueblo, e yunan di Israel, for di Egipto."

 

4. Kiko Dios a bisa di su mes, ora E la duna Israel Su lei?
Eksodo 20:2 "Ami ta Señor bo Dios, Kende a sakabo for di tera di Egipto, for di e kas di sklabitut.

5. Kua provishon Dios a ordená kontra sklabitut i opreshon?
Eksodo 22:21 "I no hasi malu na un stranhero, ni oprimié, pasobra boso tabata stranhero na tera di Egipto.
Deuteronomio 15:12-15
12 "Si bo ruman, un hòmber òf muhé Hebreo, wòrdu bendí ku bo, e ora ei e lo sirbibo seis aña, ma e di shete aña bo mester lagu'é bai liber.
13 I ora bo lagu'é bai liber, no mand'é bai man bashi.
14 Dun'é generosamente for di bo tou di bestia chikitu, for di bo plenchi-di-bati-mainshi i for di bo baki-di-pèrs-wendrùif; dun'é segun SEÑOR bo Dios a bendishonábo.
15 Kòrda ku bo tabata esklabu na tera di Egipto i ku SEÑOR bo Dios a redimíbo; pesei mi ta ordenábo e kos aki awe.
2 Korintionan 1:3, 4
3 Bendishoná sea e Dios i Tata di nos Señor Jesu-Cristo, e Tata di miserikòrdianan i Dios di tur konsuelo,
4 Kende ta konsolá nos den tur nos aflikshon, pa asina nos tambe por konsolá esnan ku ta den kualke aflikshon ku e mesun konsuelo ku Dios a konsolá nos kuné.

 

6. Pa ki motibu Dios ta kòrda Israel pa warda dia di sabat?
Deuteronomio 5:15 I kòrda ku bo tabata esklabu na tera di Egipto i ku Señor bo Dios a sakabo for di ayanan pa medio di un man poderoso i un brasa ekstendi; pesei SEÑOR bo Dios a ordenábo pa warda dia di sabat.
Nota: Esaki ta laga nos pensa, ku durante nan sirbishi i opreshon den Egypto e tabata difisil pa warda Sabat.For di e akusashon ku Faro a trese kontra Moises i Aaron, manera nota den Exsodo 5: 5, “I Farao a bolbe bisa: "Mira, e hendenan di e tera ta hopi awor, i boso kier stop nan di traha!."
Esaki ta mustra kla ku sabat a wòrdu kita for di nan; ku mester a traha riba sabati ku Moises i Aaron tabata siña nan pa warda Sabat. Unda e derechi di e individuo i libertat di religión ta wòrdu rekonosé, wardamentu di sabat no ta wòrdu ningá ni tampoko wòrdu eksiguí dor di e lei sivil.

 

7. Kua anunsio mester a wòrdu hasí den henter Israel kada sinkuenta aña?
Levitiko 25:10 Asina boso mester konsagrá e di sinkuenta aña i proklamá libertat den e tera pa tur su habitantenan. E mester ta un hubileo pa boso, i kada un di boso mester bolbe na su mes propiedat, i kada un di boso mester bolbe serka su famia.

 

8. Kiko Dios a hasi ora Israel a faja di hasi e proklamashon aki i a kuminsa oprimí, i no a warda e dia Sabat?
Jeremias 34:17 "Pesei, asina Señor ta bisa: 'Boso no a obedeséMi; boso no a proklamá libertat, kada un na su ruman i kada un na su próhimo. Mira, Mi ta proklamá libertat na boso,' SEÑOR ta deklará, 'Iibertat pa kai pa medio di spada, pèst i hamber; i lo Mi hasi boso un teror pa tur reino di tera.
Jeremias 17:24-27
24 Ma lo sosodé ku si boso skuchaMi ku atenshon," SEÑOR ta deklará, "i no drenta ku karga dor di e portanan di e stat aki riba dia di Sabat, ma santifiká dia di sabat dor di no hasi ningun trabou riba e dia ei,
25 e ora ei reinan i prensnan, sintá riba e trono di David, lo drenta dor di e portanan di e stat aki den garoshi i riba kabai, nan i nan prensnan, e hòmbernan di Juda ie habitantenan di Jerusalèm; i e stat aki lo keda habitá pa semper.
26 Nan lo bin for di e statnan di Juda i for di e lugánan rònt di Jerusalèm, for di e tera di Benjamin, for di e sabananan, for di e serunan i for di Negèv. Nan lo trese ofrendanan kimá, sakrifisionan, ofrendanan di mainshi i sensia, i tambe nan lo trese sakrifisionan di gradisimentu na e kas di SEÑOR.
27 Ma si boso no tende na Mi pa santifiká dia di Sabat i pa no karga ningun karga i pa no pasa dor di e portanan di Jerusalèm riba dia di Sabat, e ora ei lo Mi sende un kandela den su portanan, i esaki lo devorá e palasionan di Jerusalèm sin ku e wòrdu pagá",
Lesa tambe 2 Kronikanan 36:19-21.

 

9. Dikon Dios no aprobá e manera ku Israel tabata yuna i tene nan servisio?
Isaias 58:3, 4
3 'Pakiko nos a yuna i Bo no ta mira? Pakiko nos a umiyá nos mes i Bo no ta ripará?' "Mira, riba e dia ku boso ta yuna, boso ta hasi loke boso kier, i ta eksplotá tur boso trahadónan.
4 Mira, boso yunamentu ta kaba na pleitamentu i na bringamentu,
i na dalmentu ku moketa di maldat. Boso no ta yuna awe pa hasi ku boso bos ta wòrdu tendí te den haltu aya.

 

10. Ki typo di yunamentu Dios ta skohe?
Isaias 58:6, 7
6 "No ta esaki ta e yunamentu ku Mi ta skohe: pa kita e kadenanan di maldat, pa los e kabuyanan di e yugo, i pa duna libertat na esnan oprimí i kibra tur yugo?
7 No ta pa parti bo pan ku esun ku tin hamber, i pa trese e pobernan, ku no tin kas, den bo kas; pa ora bo mira un hende sunú, ba bistié, i pa na bira lomba pa bo mes famia?

 

11. Kiko e mishon di Kristu na e mundu aki ta enserá?
Lukas 4:18,19
18 "E Spiritu di SEÑOR ta riba Mi, pasobra El a ungiMi pa prediká evangelio na e pobernan; EI a mandaMi pa proklamá libertat na e prezonan, i restorashon di bista na e siegunan, pa duna libertat na esnan ku ta wòrdu oprimí,
19 pa proklamá e aña agradabel di SEÑOR

 

12. Kiko ta e kondishon di esnan ku ta kometé piká?
Juan 8:34 Jesus a kontestá nan: "Di bèrdat, di bèrdat, Mi ta bisa boso, ken ku kometé piká ta esklabu di piká.

 

13. Dikon Kristo mester karga e nómber Hesus?
Mateo 1:21 I e lo haña un Yu hòmber; i lo bo dun'E e nòmber Jesus, pasobra ta E ta Esun ku lo salba Su pueblo di nan pikánan."

 

14. Kiko ta e motibu di tur pika?
Santiago 1:15 Anto ora pashon konsebí, e ta duna lus na piká; i ora piká keda kumpli, e ta produsí morto.
Romanonan 7:7 Kiko nos lo bisa anto? Lei ta piká? Di ningun manera! Alkontrario, lo mi no a siña konosé piká si no ta pa medio di Lei; pasobra lo mi no tabata sa kiko ta kudishi, si Lei no a bisa: "No kudishá”.

 

15. Kua teksto den Beibel ta mustra bon kla e igualdat di derechinan.
Levitiko 19:18 'No tuma vengansa, ni tene renkon kontra e yunan di bo pueblo, ma stima bo próhimo manera bo mes; Ami ta Señor.

 

16. Kua liña di komportashon Kristu ta duna ku ta den harmonia ku e mandato aki?
Mateo 7:12 Pesei, tur loke boso kier pa hende hasi pa boso, hasi meskos pa nan, pasobra esaki ta e Lei i e Profetanan.

 

17. Ken solamente por purifiká kurason di hende di egoismo?
Echonan 4:12 I no tin salbashon den ningun otro (Cristo); pasobra no tin bou di shelu ningun otro nòmber ku a wòrdu duná na hende, pa medio di kual nos mester wòrdu salbá."
1 Juan 1:9 Si nos konfesá nos pikánan, E (Cristo) ta fiel i hustu pa pordoná nos nos pikánan i pa limpia nos di tur inhustisia.

 

18. Ken so por duna libertat real na hende?
Juan 8:36 Pesei si e Yu hasi boso liber, di bèrdat boso lo ta liber.

 

19. Kiko ta kristo su aktitut ku esnan ku no ta kere?
Juan 12:47 "I si un hende tende Mi palabranan i no kumpli ku nan, Mi no ta huzgu'é, pasobra Mi no a bin pa huzga mundu, ma pa salba mundu.

 

20. Kua spiritu, segun Kristu, su disipelnan mester karishá?
Marko 10:42-45
42 I yamando nan serka djE, Jesus a bisa nan: "Boso sa ku esnan ku ta rekonosi komo gobernantenan di e paganonan tin dominio riba nan; i nan shonnan ta ehersé outoridat riba nan.
43 Ma entre boso no t'asina, ma ken ku kier bira grand i entre boso lo ta boso sirbidó;
44 i ken ku kier ta esun di promé entre boso lo ta esklabu di tur.
45 Pasobra ni e Yu di Hende no a bin pa wördu sirbi, ma pa sirbi, i pa duna Su bida komo preis di reskate pa hopi."

 

21. Kiko ta presente kaminda e spiritu Señor ta?
2 Korintionan 3:17 Awor Señor ta e Spiritu; i kaminda e Spiritu di Señor ta, ei tin libertat.

 

22. Ki typo di adorashon ta agradá Dios?
Juan 4:23,24
23 Ma e ora lo yega, i ta awor, ku e adoradónan bèrdadero lo adorá e Tata den spiritu i bèrdat; pasobra ta hendenan asina e Tata ta bus ka pa ador'E.
24 Dios ta Spiritu, i esnan ku ta ador'E mester adorá den spiritu i bèrdat."